Kirit Somaiya Mantralaya Issue : हिम्मत असेल तर माझ्यावर गुन्हा दाखल करा - किरीट सोमैया

किरीट सोमैया ( Bjp Leader Kirit Somaiya in Mantralaya ) यांनी पत्रकार परिषद घेत हिम्मत असेल तर गुन्हा दाखल करा, असे थेट आवाहन मुख्यमंत्री उद्धव ठाकरे ( Chief Minister Uddhav Thackeray ) यांना केले आहे. मला कोणत्या कायद्याच्या आधारे नोटीस बजावली, तो कायदा दाखवा, असेही सोमैया यांनी सांगितले आहे. शिवाय इतरही मुद्यांवरुन त्यांनी मुख्यमंत्री उद्धव ठाकरे यांच्यावर टीका केली आहे.

मुंबई - भाजपा नेते किरीट सोमैया ( Bjp Leader Kirit Somaiya ) यांनी मंत्रालयात थेट नगर विकास विभागात बसून फाइल तपासल्याने एकच खळबळ माजली होती. या संदर्भात राज्य सरकारने किरीट सोमैया यांना नोटीस बजावली आहे. याच पार्श्वभूमीवर आज ( गुरुवारी) किरीट सोमैया ( Bjp Leader Kirit Somaiya in Mantralaya ) यांनी पत्रकार परिषद घेत हिम्मत असेल तर गुन्हा दाखल करा, असे थेट आवाहन मुख्यमंत्री उद्धव ठाकरे ( Chief Minister Uddhav Thackeray ) यांना केले आहे. मला कोणत्या कायद्याच्या आधारे नोटीस बजावली, तो कायदा दाखवा, असेही सोमैया यांनी सांगितले आहे. शिवाय इतरही मुद्यांवरुन त्यांनी मुख्यमंत्री उद्धव ठाकरे यांच्यावर टीका केली आहे.

• 'माझ्या जीवाला धोका'

माहितीच्या अधिकारामध्ये मंत्रालयातील नगरविकास विभागात मी फाईल तपासत असताना एका व्यक्तीने येऊन माझा फोटो काढला आणि तो वायरल केला. ही बाब अत्यंत गंभीर असून माझ्या जीवाला याने धोका निर्माण झाला आहे. त्यामुळे संबंधित व्यक्तीला शोधून त्याच्यावर कारवाई करण्याऐवजी सरकार मला नोटीस पाठवते, हे हास्यास्पद आहे, असे सोमैया यावेळी म्हणाले. ही व्यक्ती आमदार प्रताप सरनाईक यांच्यासोबत संबंधित ठिकाणी आली होती. त्यामुळे याच्यात नक्कीच काहीतरी डाव असल्याचा आरोपही सोमैया यांनी केला.

• 'सरनाईक यांनी घेतला सेल्फी'

आमदार प्रताप सरनाईक यांना कशाप्रकारे दंडमाफी दिली, याची फाईल तपासत असताना सरनाईक संबंधित विभागात कसे येऊ शकतात हा खरा प्रश्न आहे. एखाद्याच्या विरोधातील फाइल तपासत असताना संबंधित व्यक्तीला तिथे येऊ दिले जात नाही. मग सरनाईक कसे पोहोचले? असा सवाल सोमैया यांनी उपस्थित केला आहे. सरनाईक यांनी माहिती अधिकाराच्या नियमांचा भंग केल्याप्रकरणी त्यांच्यावर कारवाई करण्यात यावी. इतकेच काय सरनाईक यांनी माझ्या सोबत सेल्फी काढला असल्याची माहितीही सोमैया यांनी यावेळी दिली आहे.

• पोलिसांकडे सरनाईक यांच्या विरोधात तक्रार

आपला फोटो व्हायरल करून आपल्या जीवाला धोका निर्माण केल्याप्रकरणी संबंधितांवर गुन्हे दाखल करून कारवाई करावी, अशी मागणी मरीन ड्राईव्ह पोलीस ठाण्यात पोलीस आयुक्त, पोलीस महासंचालक, गृहसचिव तसेच केंद्रीय गृह विभागाकडे केल्याची माहिती सोमैया यांनी दिली आहे. मुख्यमंत्री उद्धव ठाकरे यांनी सरनाईक यांना नियमबाह्य दंडमाफी केली आहे. हे सत्य बाहेर येईल म्हणूनच माझ्यावर दबाव आणला जात असून प्रकरणाला वेगळे वळण देण्याचा प्रयत्न असल्याचा आरोपही सोमैया यांनी यावेळी केला आहे.

हेही वाचा -Supreme Court On Nitesh Rane : नितेश राणेंना सर्वोच्च न्यायालयाचा झटका; शरण येण्यास दहा दिवसांचा कालावधी