पालघर -नरेंद्र मोदी यांनी वाढदिवसानिमित्त 'अखंड भारत प्लास्टिक मुक्त झाला पाहिजे', असे भाषणात म्हटले होते. निवडणुकीच्या तोंडावर त्यांच्या या सूचना स्थानिक नागरिकांपर्यंत पोहोचाव्यात यासाठी नालासोपाऱ्यात भाजप जिल्हा सरचिटणीस राजन नाईक यांच्या नेतृत्वाखाली भव्य बाईक रॅलीचे आयोजन करण्यात आले होते. यावेळी हजारोच्या संख्यने भाजप कार्यकर्ते रॅलीत सहभागी झाले होते.
नरेंद्र मोदींचा 'अखंड भारत प्लास्टिक मुक्त' हा संदेश जनतेपर्यंत पोहोचवण्यासाठी नालासोपाऱ्यात भाजपकडून भव्य बाईक रॅलीचे आयोजन
नालासोपाऱ्यात भाजपच्या वतीने काढण्यात आलेल्या रॅलीला भर पावसातही कार्यकर्त्यांचा मोठा प्रतिसाद मिळाल्याचे दिसत आहे. शुक्रवारी भाजपच्या हजारो कार्यकर्त्यांनी प्लास्टिक मुक्त भारताचा संदेश नागरिकांपर्यंत पोहोचवा यासाठी नालासोपारा एस.टी. डेपोपासून या रॅलीला सुरुवात केली. मुख्य म्हणजे ही रॅली नालासोपारा विधानसभा क्षेत्रातच काढण्यात आल्याने अनेक तर्क वितर्कांना उधाण आले आहे.