Shinde government सरकार नाही थाऱ्यावर आरोग्य व्यवस्था वाऱ्यावर

शिंदे फडणवीस सरकार अस्तित्वात आले आहे मात्र सरकार अस्तित्वात आले असले तरी मंत्रिमंडळाचा विस्तार सव्वा महिना रखडला होता आणि अद्याप मंत्रिमंडळाचे खाते वाटपही झालेले नाही खाते वाटप झाले नसल्याने अनेक विभागाशी संबंधित कामे प्रलंबित आहे संबंधित खात्याच्या मंत्र्यांची सही फाईलवर झाल्याशिवाय त्याला अंतिम मंजुरी मिळत नाही त्यामुळे अनेक फायलीचा ढिगारा मंत्रालयात साचून राहिला आहे जनतेच्या दैनंदिन जीवनाशी निगडित असलेल्या अनेक कामांना त्यामुळे अडथळा निर्माण झाला आहे

मुंबई -राज्यात गेल्या दीड महिन्यांपासून शिंदे फडणवीस सरकार अस्तित्वात आले आहे मात्र सरकार अस्तित्वात आले असले तरी मंत्रिमंडळाचा विस्तार सव्वा महिना रखडला होता आणि अद्याप मंत्रिमंडळाचे खाते वाटपही झालेले नाही खाते वाटप झाले नसल्याने अनेक विभागाशी संबंधित कामे प्रलंबित आहे संबंधित खात्याच्या मंत्र्यांची सही फाईलवर झाल्याशिवाय त्याला अंतिम मंजुरी मिळत नाही त्यामुळे अनेक फायलीचा ढिगारा मंत्रालयात साचून राहिला आहे जनतेच्या दैनंदिन जीवनाशी निगडित असलेल्या अनेक कामांना त्यामुळे अडथळा निर्माण झाला आहे सर्व महत्त्वाची अत्यंत संवेदनशील व्यवस्था असलेल्या आरोग्य यंत्रणेवर या अस्थिरतेचा सर्वात अधिक परिणाम झाला आहे

सोळा रुग्णालयातील संगणक प्रणाली बंदराज्यातील शासकीय वैद्यकीय महाविद्यालय आणि १६ शासकीय रुग्णालयांमध्ये रुग्णांच्या नोंदी घेण्यासाठी तसेच रुग्णांवरील उपचारांची आणि त्यांच्या तपासण्याची अचूक नोंद ठेवण्यासाठी संगणक प्रणाली कार्यरत होती मात्र सदर संगणक प्रणाली पुरवणाऱ्या कंपनीची निधीवरून शासनाचा वाद निर्माण झाला आहे हा वाद अद्यापही प्रलंबित असल्याने एच एम आय एस ही संगणक प्रणाली गेल्या सहा जुलैपासून बंद आहे. रुग्णालयांमध्ये कर्मचाऱ्यांना सर्व कारभार हाताने लिहून करावा लागत आहे यामुळे फायलींचे गठ्ठे तयार होत आहेत तर या सर्व प्रक्रियेसाठी वेळ लागत असल्याने रुग्णालय प्रशासनावर मोठा ताण आला आहे त्यातच रुग्णांच्या लांबलचक रांगा लागत असून रुग्ण संतप्त होत आहेत या संदर्भात भायखळा येथील जे जे शासकीय रुग्णालयात आलेल्या सारिका पाटील सांगतात की मला सोनोग्राफी करण्यासाठी तीन वेळा रुग्णालयात यावे लागले आहे प्रत्येक वेळेला मला नवी तारीख दिली जाते मात्र रुग्णांची असलेली गर्दी आणि संगणक प्रणाली नसल्याने होणारा कामाला विलंब यामुळे मला वारंवार यावे लागत आहे सरकारने याची दखल घेऊन लवकर व्यवस्था करावी अशी मागणी पाटील यांनी केली

कामा रुग्णालयातील रेडिओथेरपीला आर्थिक केमोची गरज कामा आणि आलब्लेस रुग्णालयांमध्ये कर्क रुग्णांच्या उपचारासाठी रेडिओथेरपी युनिट चालवले जाते या ठिकाणी असलेल्या सर्व मशिनरी आणि कामाच्या व्यवस्थापनाची जबाबदारी वेरीएंट या कंपनीला देण्यात आली आहे मात्र या ठिकाणी गेल्या सहा-सात महिन्यांपासून रेडिओथेरपी मशीन बंद होती ती नुकतीच सुरू झाली असली तरी या ठिकाणी असलेल्या अन्य व्यवस्था मात्र बंदच आहे व्हेरियंट या कंपनीला शासनाकडून निधी प्राप्त न झाल्याने ही अवस्था झाली असल्याचे रुग्णालय सूत्रांनी सांगितले शासनाने त्वरित निधी वर्ग केल्यास या ठिकाणी दूरवरून येणाऱ्या रुग्णांची गैरसोय होणार नाही आणि त्यांना वेळेत उपचार मिळेल असे मत सुप्रिया देसाई यांनी व्यक्त केले

शासन स्तरावर प्रयत्न सुरू आहेत डॉक्टर सापळे -दरम्यान या संदर्भात जे जे रुग्णालयाच्या अधिष्ठाता डॉक्टर पल्लवी सापळे यांच्याशी संपर्क साधला असता त्यांनी सांगितले की एच एम आय एस बाबत निश्चितच काही अडचणी आहेत यामुळे रुग्णालय प्रशासनावर ताण येतो हे खरे आहे परंतु या संदर्भात लवकरच नवीन संस्थेला नियुक्त करण्यात येणार असल्याची माहिती शासन स्तरावरून देण्यात आली आहे त्यामुळे येत्या आठवडाभरात संगणक प्रणाली पूर्ववत सुरू होऊन रुग्णालय प्रशासन आणि रुग्णांवरील ताण कमी होईल रेडिओथेरपी मशीन पुन्हा सुरू करण्यात आले असून निधीबाबत आरोग्य विभागाला ठराविक अर्थसंकल्पीय तरतूद झालेली असते जर काही निधीची अडचण आली तर आपली हाफकिन संस्थेकडूनही आम्ही मदत घेऊ शकतो त्यामुळे आरोग्य खात्याचा कार्यभार अद्याप कोणा मंत्र्यांकडे सोपवला नसला तरी तसा काही प्रश्न उद्भवत नाही असेही डॉक्टर सापळे म्हणाल्या

हेही वाचाUnion Home Minister Medal : राज्यातील ११ पोलिसांना केंद्रीय गृहमंत्री पदक