Balgandharva Theatre : बालगंधर्व पाडण्यावर शिक्कामोर्तब; मात्र, कलाकारांचा विरोध

पुण्याचं वैभव असलेल्या बालगंधर्व रंगमंदिराला मोठा सांस्कृतिक वारसा आहे. 54 वर्षांपूर्वी पु. ल. देशपांडे यांच्या संकल्पनेतून हे रंगमंदिर उभे राहिले. 2018 साली मुरलीधर मोहोळ स्थायी समिती अध्यक्ष असताना त्यांनी बालगंधर्व रंगमंदिराच्या पुनर्विकासाची संकल्पना मांडली आणि अंदाजपत्रकात त्यासाठी तरतूदही केली.

पुणे :-पुण्याचं वैभव असलेल्या बालगंधर्व रंगमंदिराला मोठा सांस्कृतिक वारसा आहे. 54 वर्षांपूर्वी पु. ल. देशपांडे यांच्या संकल्पनेतून हे रंगमंदिर उभे राहिले. 2018 साली मुरलीधर मोहोळ स्थायी समिती अध्यक्ष असताना त्यांनी बालगंधर्व रंगमंदिराच्या पुनर्विकासाची संकल्पना मांडली आणि अंदाजपत्रकात त्यासाठी तरतूदही केली. मात्र, कोरोनामुळे दोन वर्षांच्या कालावधीत हा विषय बाजूला राहिला होता. रंगमंदिर पाडण्यास काहींनी विरोध दर्शविला होता. त्यामुळे पुनर्विकासासाठी महापालिका स्तरावर समिती स्थापन करण्यात आली.आणि अखेर बालगंधर्व पडण्यावर शिक्कामोर्तब करण्यात आला असून याला कलाकारांनी तीव्र विरोध दर्शविला आहे.

बालगंधर्व पाडू नये2018 साली जेव्हा पासून हा प्रस्ताव मांडण्यात आला आहे तेव्हापासून आम्ही याला विरोध करत आहोत. राजकारणी मंडळी हे राजकीय स्वार्थासाठी एकत्र आले आहे .पण आम्ही याला विरोध करणार आहे.आज पुणे शहरात एकूण 14 नाट्यगृह असून शहरात फक्त 3 नाट्यगृहच सुरू आहे. तर काही श्रेयवादावरून राजकारण सुरू असल्याने नाट्यगृह बंद आहे. असाच प्रकार या बालगंधर्व नाट्यगृह मंदिराबाबत होणार आहे. अजूनही या सारखी वस्तू कुठेही नाही. त्यामुळे ही वास्तू पाडू नये असं यावेळी काही कलाकार तसेच सामान्य नागरिकांना मत व्यक्त केलं आहे.

असं असणारं नवीन बालगंधर्व

सध्याचे बालगंधर्व रंगमंदिर साडेबावीस हजार चौरस फूट जागेवर असेल. यात मूळ वास्तू पाडून साडेतीन लाख चौरस फुटांचे रंगमंदिर बांधण्यात येईल. नव्या वास्तूत 800 ते 900 दुचाकी आणि 350 चारचाकी वाहनांची पार्किंगची व्यवस्था असेल. यात एक हजार, पाचशे आणि तीनशे अशा आसनक्षमतेची तीन नाटय़गृहे असणार आहे.

हेही वाचा -Sharad Pawar Pune : 'पक्षीय निष्ठा राखून सर्व पक्षांशी सौहार्दता जपणे ही आपली राजकीय संस्कृती'