मुंबई : शिंदे गटातील आमदार प्रताप सरनाईक ( MLA Pratap Sarnaik from Shinde group ) यांच्या अडचणी कमी होताना दिसत नाही आहे. ठाण्यातील ख्रिश्चन समाजाची दफनभूमी ची जागा हडपल्या प्रकरणात ठाण्यातील अवर लेडी ऑफ मर्सी चर्च ( Our Lady of Mercy Church ) येथील रहिवाशांनी मुंबई उच्च न्यायालयामध्ये जनहित याचिका दाखल केली आहे. या याचिकेवर तीन ऑक्टोंबर रोजी सुनावणी होणार आहे. त्यामुळे सरनाईक यांच्या अडचणी वाढण्याची शक्यता आहे.
रहिवाशांनी केली जनहित याचिका दाखल :ठाण्यातील अवर लेडी ऑफ मर्सी चर्च ( Our Lady of Mercy Church ) येथील रहिवाशांनी ही जनहित याचिका दाखल केली आहे. ठाण्यात ख्रिश्चन समाजासाठी दफनभूमी जागा अपुरी असल्याचे याचिकेत म्हटले आहे. ठाणे महापालिकेने दोन विकास आराखड्यांत शहरासाठी १० भूखंड राखीव ठेवले होते. मात्र, एकही भूखंड हस्तांतरित केलेला नाही, असा दावा याचिकाकर्त्यांनी केला आहे.