मुंबई - शहरात मार्च पासून कोरोना विषाणूचा प्रादुर्भाव सुरू झाला आहे. ऑगस्ट, सप्टेंबर महिन्यात कोरोना रुग्णांची संख्या वाढली होती. 16 नोव्हेंबरला 409 तर 18 जानेवारीला 395 इतके सर्वात कमी रुग्ण आढळून आले होते. त्यानंतर आज (गुरूवारी) मुंबईत 527 नवे रुग्ण आढळून आले असून 10 रुग्णांचा मृत्यू झाला आहे.
6 हजार 667 सक्रिय रुग्ण -
मुंबईत आज कोरोनाचे 527 नवे रुग्ण आढळून आले असून 10 रुग्णांचा मृत्यू झाला आहे. मुंबईमधील कोरोनाग्रस्तांचा आकडा 3 लाख 4 हजार 649 वर पोहचला आहे. तर, मृतांचा आकडा 11 हजार 276 वर पोहचला आहे. मुंबईमधून आज 530 रुग्ण बरे झाल्याने त्यांना डिस्चार्ज देण्यात आला. मुंबईत डिस्चार्ज देण्यात आलेल्यांचा आकडा 2 लाख 85 हजार 810 वर गेला आहे. सध्या मुंबईत 6 हजार 667 सक्रिय रुग्ण आहेत.