Maharashtra Corona Update : राज्यात कोरोना रुग्णांच्या संख्येत किंचित वाढ, आज चार जणांचा मृत्यू

राज्यात कोरोना चांगलाच नियंत्रणात आला आहे. रुग्णसंख्येत चढ उतार होताना दिसत आहेत. आज 452 नव्या बाधितांची नोंद ( Maharashtra corona update ) झाली. रुग्ण बरे होण्याचे प्रमाण 98.9 टक्के ( Maharashtra Corona Update ) आहे.

मुंबई - राज्यात कोरोना आटोक्यात आला असला तरी रुग्ण संख्येत चढ उतार होताना दिसून येत आहेत. आज दिवसभरात 452 बाधितांची नोंद झाली. तर चार जणांचा मृत्यू झाला आहे. बुधवारी 359 रुग्ण आणि शून्य मृत्यूची नोंद झाली होती. सक्रिय रूग्ण 2 हजार 963 इतके असून बरे होण्याचे प्रमाण 98.9 इतके आहे. दुसरीकडे ओमायक्रोनचा आजही शून्य रुग्णांची नोंद झाल्याचे राज्याच्या सार्वजनिक आरोग्य विभागाने म्हणणे ( Maharashtra Corona Update ) आहे.

रुग्ण संख्येचा आलेख कमी जास्त

राज्यात कोरोना उतरणीला लागला असला तरी रुग्ण संख्येचा आलेख कमी जास्त होत आहे. कोरोनाचे रुग्ण वाढले असून, त्यात 93 रुग्णांची आज भर पडली आहे. गुरुवारी 359 रुग्ण सापडले होते. काल तिसऱ्यांदा शून्य मृत्यूची नोंद झाली होती. मात्र आज 4 जणांचा मृत्यू झाला आहे. रुग्ण बरे होण्याचे प्रमाण 98.9 टक्के असून दिवसभरात 494 रुग्ण बरे झाले आहेत. आजपर्यंत 77 लाख 19 हजार 594 रुग्ण ठणठणीत होऊन घरी परतले आहेत.

ओमायक्रॉनचा आज एकही रुग्ण सापडलेला नाही

कोविड निदानासाठी आजपर्यंत 7 कोटी 84 लाख 71 हजार 604 चाचण्या केल्या. त्यापैकी 10.03 टक्के इतके म्हणजेच 78 लाख 70 हजार 309 नमुने पॉझिटिव्ह आले आहेत. सध्या राज्यात 22 हजार 235 व्यक्ती होम क्वारंटाईनमध्ये तर 599 व्यक्ती संस्थात्मक क्वारंटाईनमध्ये आहेत. 2963 कोरोना सक्रिय रुग्ण आहेत. कोरोनाचा नवा व्हेरियंट असलेला ओमायक्रॉनचा आज एकही रुग्ण सापडलेला नाही, अशी माहिती आरोग्य विभागाकडून देण्यात आली.

विभागात सर्वाधिक कोरोना रुग्ण -
मुंबई महापालिका - 64
ठाणे - 3
ठाणे मनपा - 19
नवी मुंबई पालिका - 5
कल्याण डोबिवली पालिका - 4
मीरा भाईंदर - 2
वसई विरार पालिका - 2
नाशिक - 8
नाशिक पालिका - 1
अहमदनगर - 21
अहमदनगर पालिका - 21
पुणे - 55
पुणे पालिका - 99
पिंपरी चिंचवड पालिका - 29
सातारा - 12
नागपूर मनपा - 5