कागल तालुक्यातील दोन गावांमध्ये अजूनही मतदान सुरूच ; रात्री 12 पर्यंत मतदान प्रक्रिया चालणार

कोल्हापूर जिल्ह्यातील कागल विधानसभा मतदारसंघातील दोन गावांमध्ये मतदान प्रक्रिया अजूनही सुरूच आहे. जैन्याळ आणि वडगाव गावात एकच EVM मशीन असल्याने मतदान प्रक्रियेला वेळ लागत आहे.

कोल्हापूर -जिल्ह्यात सर्वत्र सोमवारी सकाळी ७ वाजता मतदान प्रक्रिया सुरू झाली. बहुतांश ठिकाणी ही प्रक्रिया पूर्ण झाली आहे. मात्र, कागल तालुक्यातील दोन गावांमध्ये मतदान प्रक्रिया अजूनही सुरूच आहे. कागल तालुक्यातील जैन्याळ आणि वडगाव गावात मतदान सुरू आहे.

या गावात १३०० मतदार असताना एकच evm मशीन आहे. जैन्याळ गावात ३५० मतदार अजूनही रांगेत मतदान करण्यासाठी उभे आहेत. वडगाव गावात १०० मतदार अजूनही रांगेत उभे आहेत. अनेक मतदार मतदान न करता घरी परतल्याचे पाहायला मिळाले.