मुंबई -आम्हाला कोणतेही राजकारण करायचे नाही. ज्यांनी संभाजी राजे ( Sanjay Raut criticize BJP over Sambhaji Raje ) यांना पुढे करून राजकारण करण्याचा प्रयत्न केला त्यांचा प्रयत्न फसला आहे, अशी टीका भाजप व देवेंद्र फडणवीस यांच्यावर संजय राऊत ( Sanjay Raut criticize BJP ) यांनी केली. तसेच, शिवसेना कधीही पाठीमागून वार करत नाही, असा टोलाही ( Sanjay Raut news kolhapur ) त्यांनी लगावला.
भाजपची उडी फसली - शिवसेना प्रमुख बाळासाहेब ठाकरे यांचे आणि सध्याच्या शाहू महाराजांचे अत्यंत जिव्हाळ्याचे कौटुंबिक नाते आहे. काल त्यांनी घेतलेली भूमिका पाहून कोल्हापूरच्या मातीमध्ये आजही प्रामाणिकपणा आणि शाहू घराण्याची परंपरा कायम असल्याचे संजय राऊत म्हणाले. तसेच, शाहू महाराजांना अभिवादन करणे कर्तव्य आहे, असे संजय राऊत म्हणाले. तर, संभाजी राजे यांनी केलेल्या ट्विटबाबत बोलताना, आम्हाला छत्रपती शाहू महाराजांविषयी जो आदर आहे तोच संभाजीराजे छत्रपती यांच्याविषयी आहे. आम्हाला कोणतेही राजकारण करायचे नाही. ज्यांनी संभाजी राजे यांना पुढे करून राजकारण करण्याचा प्रयत्न केला त्यांची उडी फसली आहे. त्यांनी उडी मारण्याचा प्रयत्न केला पण ते पडले, अशी टीका भाजप व देवेंद्र फडणवीस यांच्यावर संजय राऊत यांनी केली. तसेच, शिवसेना कधीही पाठीमागून वार करत नाही, असा टोलाही त्यांनी लगावला.
यापुढे बेळगावमध्ये शिवसेना ही महाराष्ट्र एकीकरण समितीच्या नावावर निवडणूक लढवणार नसून शिवसेना बेळगावातील सर्व निवडणुका स्वतः लढवेल, असा इशारा संजय राऊत यांनी दिला आहे. गेल्या अनेक दिवसांपासून महाराष्ट्र एकीकरण समितीमध्ये एकजूट नसल्याने ती फुटत आहे आणि याचा फटका बेळगावलाच नाही तर कोल्हापूर, सांगली आणि साताऱ्यालाही बसत आहे. यामुळे आम्ही स्वतः आता तेथे उतरणार असल्याचे संजय राऊत यांनी आज जाहीर केले. काल महाराष्ट्र एकीकरण समितीच्या पदाधिकाऱ्यांनी झालेल्या बैठकीची कानउघडणी केली.