कोल्हापूर - ज्येष्ठ अभिनेते रमेश देव यांचे ( Actor Ramesh Deo passed away ) आज (बुधवारी) मुंबई येथे निधन झाले. त्यांचे बालपण कोल्हापुरातच ( Childhood in Kolhapur ) गेले तर अभिनयाची सुरुवात सुद्धा कोल्हापुरात झाली. एवढेच नाही तर त्यांनी कोल्हापूर लोकसभेची निवडणूक सुद्धा लढवली होती. त्यामुळे सर्वांनी रमेश देव यांना नेता तसेच अभिनेता या दोन्ही भूमिकेत पाहिले आहे. कसा होता त्यांचा प्रवास आणि कोल्हापुरातील आठवणी यावर प्रकाश टाकणारा ईटीव्ही भारतचा रिपोर्ट...
- 1996 साली रमेश देव यांनी लढवलेली कोल्हापूर लोकसभा निवडणूक
रमेश देव यांनी शेकडो मराठी तसेच हिंदी चित्रपटांमध्ये काम केले. दिर्घकाल लक्षात राहतील अशा अनेक भूमिका त्यांनी साकारल्या. विविध अभिनयाने अनेकांच्या मनावर अधिराज्य गाजवणाऱ्या रमेश देव यांना या काळातच 1996 साली लोकसभा निवडणूक लढविण्याबाबत बाळासाहेब ठाकरे यांनी तिकीट दिले. ठाकरे यांचे अतिशय जवळचे असल्याने त्यांनी 1996 ची लोकसभा निवडणूक शिवसेनेच्या तिकिटावर लढवली. त्यावेळी त्यांच्या विरोधात काँग्रेसचे खासदार उदयसिंह गायकवाड हे होते. रमेश देव यांच्या प्रचारासाठी जिल्ह्यातील अनेक नागरिक मोठ्या संख्येने येत होते. या सर्व प्रचारादरम्यान इथल्या एका हॉटेलमध्ये त्यांचा तसेच त्यांच्या कुटुंबीयांचा मुक्कान होता. रमेश देव यांना या निवडणुकीत 2 लाखांहून अधिक मते मिळाली, मात्र यामध्ये त्यांचा पराभव झाला. अभिनयात अनेकांच्या मनावर राज्य केले मात्र राजकारणात त्यांना यश आले नाही.
- भक्तीसेवा विद्यापीठ शाळेत घेतले प्राथमिक शिक्षण