रुग्णांच्या मदतीला धावणार 'कोल्हापूर ब्लड डोनर अॅप', दोन तरुणांचा अविष्कार

कोरोना काळात सामान्य रुग्णांची रक्त साठ्यासाठी धावपळ होताना पाहताच कोल्हापुरातील दोन तरुणांनी एकत्र येऊन गरजू रुग्णांना तात्काळ रक्त मिळण्यासाठी जालीम उपाय शोधला आहे. रक्तदान करण्यापासून ते रुग्णाला रक्त मिळेपर्यंत हा प्रवास एका क्लिकवर होणार आहे.

कोल्हापूर- एखाद्या गरजू रुग्णाला हवा असणारा रक्तगट ऐनवेळी शोधण्यासाठी रुग्णाच्या नातेवाईकांना मोठी धावपळ करावी लागते. अनेक संस्थांचे उंबरे झिजवावे लागतात. आयत्या वेळी करायचे काय? असा प्रश्न त्यांच्या पुढे उभा राहतो. मात्र यावर राज्यात प्रथमच ब्लड डोनर कोल्हापूर ॲप चा एक वेगळा प्रयोग करण्यात आला आहे. या अॅपच्या माध्यमातून गरजू रुग्णांना तत्काळ मोफत रक्त पुरवठा केला जाणार आहे. कोल्हापुरातील जिव्हेश्वर फाऊंडेशनचे रजत ओस्वाल श्वेताने तानी यांनी रोटरी क्लब यांच्या सहकार्यातून या ॲपची निर्मिती केली आहे.

कोरोना काळात सामान्य रुग्णांची रक्त साठ्यासाठी धावपळ होताना पाहताच कोल्हापुरातील दोन तरुणांनी एकत्र येऊन गरजू रुग्णांना तात्काळ रक्त मिळण्यासाठी जालीम उपाय शोधला आहे. रक्तदान करण्यापासून ते रुग्णाला रक्त मिळेपर्यंत हा प्रवास एका क्लिकवर होणार आहे. राज्यातील पहिलाच प्रयोग म्हणून याकडे पाहिलं जाऊ शकते, असा दावा या दोन तरुणांनी केला आहे. कोल्हापुरातील जिव्हेश्वर फाउंडेशनचे रजत ओस्वाल आणि श्वेताने नोतानी यांनी रोटरी क्‍लबच्या सहकार्याने या ॲपची निर्मिती केली आहे. 'ब्लड डोनर कोल्हापूर' असे या ॲपचे नाव आहे. कशी आहे या अॅप ची संकल्पना?ऐनवेळी गरजू रुग्णांना रक्तासाठी धावपळ करावी लागते. ही धावपळ लक्षात घेता या दोन तरुणांनी या ॲपची निर्मिती केली आहे. ज्या रुग्णाला रक्त हवे आहे. किंवा ज्या रुग्णाला रक्तदान करायचे आहे त्या व्यक्तीला हे ॲप डाऊनलोड करून घ्यायचे आहे. एखाद्या रुग्णाला रक्त हवे असल्यास त्याच्या नातेवाईकांनी या ॲप वर रक्तासाठी रिक्वेस्ट पाठवायचे आहे. त्यानंतर त्याबाबत तीन वेळा वेरिफिकेशन होऊन तात्काळ त्या रुग्णाला मोफत रक्त पुरवठा होणार आहे. तसेच ज्या व्यक्तींना रक्तदान करायचे आहे. त्यांनी या ॲप वर नोंदणी करायची आहे. या सर्व प्रक्रियेला किमान एक ते दोन तासाचा अवधी लागणार आहे.