कोल्हापूर - कोल्हापूरात जिल्ह्यात कोरोना रुग्णांची झपाट्याने वाढत असलेल्या संख्येचा विचार करून प्रशासनाने गेल्या आठवड्यात 7 दिवसांचा लॉकडाऊन केला होता. त्याचे किंचित परिणाम झाल्याचे आकडेवारीवरून दिसून येत आहे. काल सकाळी 10 पासून रात्री 8 पर्यंत केवळ 65 नवे रुग्ण आढळले आहेत.
गेल्या 15 दिवसांपासून दररोजच 150 ते 200 रुग्ण आढळत होते. काही वेळा तर हा आकडा 300 पार सुद्धा गेला होता. मात्र आता रुग्ण वाढीचा वेग मंदावला असून रुग्ण बरे होण्याची संख्या वाढत चालली आहे. काल दिवसभरात तब्बल 241 जणांना डिस्चार्ज देण्यात आला आहे. तर एकाचा मृत्यू झाला आहे.
काल सकाळी 10 पासून रात्री 8 पर्यंतच्या आकडेवारीनुसार आढळलेल्या नवीन 65 रुग्णांनंतर एकूण कोरोनाबाधित रुग्णांची संख्या 4621 इतकी झाली आहे तर त्यातील 1900 जणांना डिस्चार्ज देण्यात आला आहे. यामध्ये आत्तापर्यंत 129 जणांचा मृत्यू झाला आहे. त्यामुळे ऍक्टिव्ह रुग्णांची संख्या 2592 झाली आहे. दिवसभरात जिल्ह्यात आढळलेल्या 65 रुग्णांमध्ये सर्वाधिक रुग्ण मात्र एकट्या कोल्हापूरात शहरातील 47 इतके आहेत.
जिल्ह्यातील एकूण आकडेवारी एक नजर :
आजअखेर तालुका, नगरपालिका आणि महानगरपालिका क्षेत्रनिहाय रुग्णांची संख्या पुढीलप्रमाणे :
आजरा- 107
भुदरगड- 102
चंदगड- 344
गडहिंग्लज- 207
गगनबावडा- 9
हातकणंगले- 327
कागल- 81
करवीर- 520
पन्हाळा- 198
राधानगरी- 153
शाहूवाडी- 261
शिरोळ- 132
नगरपरिषद क्षेत्र- 1018
कोल्हापूर महापालिका क्षेत्र- 1099
असे एकूण 4558 रुग्ण आढळले आहेत.
इतर जिल्हा व राज्यातील 63 असे मिळून एकूण 4621 रुग्णांची आजअखेर जिल्ह्यात संख्या आहे.
जिल्ह्यातील एकूण 4621 पॉझीटिव्ह रूग्णांपैकी 1900 रूग्णांना डिस्चार्ज मिळाला आहे. तर एकूण 129 जणांचा मृत्यू झाला असल्यामुळे सद्यस्थितीत एक्टिव्ह रुग्णांची संख्या 2592 इतकी आहे.
वयोगटानुसार एकूण रुग्णांची संख्या पुढीलप्रमाणे :