कोल्हापूर - माझ्याकडे व्हाईट मनी आहे की नाही, याची चिंता चंद्रकांत पाटलांनी करू नये. गरज भासल्यास मी त्यांच्याकडून पैसे घेईन. त्यांच्याकडे पैसे जास्त आहेत, असा टोला ग्रामविकास मंत्री हसन मुश्रीफ यांनी भाजपचे प्रदेशाध्यक्ष चंद्रकांत पाटील यांना लगावला. ते कोल्हापुरात बोलत होते.
पत्रकार परिषदेत बोलताना हसन मुश्रीफ
ग्राम विकास मंत्री हसन मुश्रीफ पुढे म्हणाले, किरीट सोमैया यांनी माझ्यावर आरोप केले. त्याची माहिती चंद्रकांत पाटील आणि समरजितसिंह घाटगे यांनी दिली आहे. भाजपच्या अनेक कुरघोड्यांवर सडेतोड उत्तर देत असल्यानेच माझ्यावर हे कुरघोडीचे राजकारण सुरू आहे. माझा आवाज दाबण्यासाठी हा प्रयत्न सुरू आहे. त्याचे मुख्य सूत्रधार भाजपचे प्रदेशाध्यक्ष चंद्रकांत पाटील आहेत असा आरोप त्यांनी केला.
हे ही वाचा -माझ्यावरील आरोप चुकीचे, सोमैयांवर 100 कोटींचा अब्रुनुकसानीचा दावा करणार - मंत्री मुश्रीफ