कोल्हापुरात 299 नवे रुग्ण; सक्रिय रुग्णांपैकी पंधराशे घेतायत घरातूनच उपचार

कोल्हापूरात 299 नवे रुग्ण आढळले आहेत. सक्रिय रुग्णांपैकी पंधराशे रुग्ण घरातूनच उपचार घेत आहेत.

कोल्हापूर - जिल्ह्यामध्ये कोरोना रुग्णांची संख्या वाढतच चालली. गेल्या 24 तासांत 299 नवे रुग्ण तर 5 जणांचा मृत्यू झाला आहे. दिलासादायक बाब म्हणजे आज दिवसभरात 181 जणांना डिस्चार्जसुद्धा देण्यात आला आहे. सद्यस्थिती जिल्ह्यातील एकूण अ‌ॅक्टिव्ह रुग्णांची संख्या 2521वर पोहोचली आहे. आजपर्यंतच्या एकूण रुग्णांची संख्या 55 हजार 2 इतकी झाली आहे. विशेष म्हणजे एकूण अ‌ॅक्टिव्ह 2 हजार 521 रुग्णांपैकी ग्रामीण आणि नगरपालिका क्षेत्रात 911 रुग्ण घरातून उपचार घेत आहेत, तर कोल्हापूर महानगरपालिका क्षेत्रात 505 रुग्ण घरातून उपचार घेत आहेत.

जिल्ह्यातील एकूण कोरोना आकडेवारीवर एक नजर -

कोल्हापूर जिल्ह्यात आजपर्यंत एकूण रुग्णांची संख्या 55 हजार 2वर पोहोचली आहे. त्यातील 50 हजार 653 रुग्णांनी कोरोनावर मात केली आहे. 1 जानेवारी 2021ला जिल्ह्यातील कोरोना रुग्णांची संख्या 39 इतकी होती. एकूण 1 हजार 708 रुग्णांचा मृत्यू झाला होता. आजरोजी जिल्ह्यातील कोरोना रुग्णांची संख्या 2 हजार 521 वर पोहोचली असून एकूण मृतांची संख्या 1 हजार 828 झाली आहे. नवीन रुग्ण आढळण्याचे प्रमाण तसेच मृत्यूचे प्रमाणसुद्धा वाढत चालले असल्याने ही चिंतेची बाब ठरत आहे.

वयोगटानुसार रुग्णांची संख्या पुढीलप्रमाणे -

1 वर्षाखालील	65 रुग्ण
1 ते 10 वर्ष	2021 रुग्ण
11 ते 20 वर्ष	3836 रुग्ण
21 ते 50 वर्ष	29367 रुग्ण
51 ते 70 वर्ष	15721 रुग्ण
71 वर्षांवरील	3992 रुग्ण
जिल्ह्यात असे एकूण	55 हजार 2 रुग्ण

तालुक्यानुसार रुग्णांची संख्या पुढीलप्रमाणे -

आजरा	972
भुदरगड	1333
चंदगड	1260
गडहिंग्लज	1655
गगनबावडा	161
हातकणंगले	5598
कागल	1755
करवीर	6168
पन्हाळा	1977
राधानगरी	1314
शाहूवाडी	1418
शिरोळ	2616
नगरपालिका कार्यक्षेत्र	8131
कोल्हापूर महानगरपालिका	17772
इतर जिल्ह्यातील, राज्यातील	2872