औरंगाबाद (कन्नड) - बैलगाडीला दुचाकी धडकल्याने दोन युवकांचा मृत्यू झाल्याची घटना कन्नड तालुक्यात हिवरखेडा गौतळा येथे बुधवारी रात्री घडली. ऋषिकेश चव्हाण आणि कुणाल चव्हाण असे दोन मयतांची नाव आहेत.
असा घडला अपघात -
10 नोव्हेंबरच्या रात्री हिवरखेडा गौतळा रोडवरील विनायकराव पाटील कॉलेजजवळ बैलगाडी व दुचाकीची धडक झाली. दोन्ही युवक दुचाकीवरून ऋषिकेश चव्हाण (वय 20) आणि कुणाल चव्हाण ( वय 20) हे शहराकडे येत होते. तर किशोर जाधव हे आपली बैलगाडी घेवून हिवरखेडाकडे जात होते. तेव्हा बैलगाडी व दुचाकीची समोरासमोर जबर धडक झाली.