औरंगाबाद - मलाही मुख्यमंत्री एकनाथ शिंदे ( CM Ekanth Shinde ) यांचा फोन आला होता, असा गौप्सस्फोट शिवसेना आमदार अंबादास दानवे यांनी केला आहे. आपण बाळासाहेबांचे शिवसैनिक आहोत, तुम्ही जे माझ्यासाठी केले ते शिवसेना म्हणून केले. व्यक्तीगत थोडी केले, असे उत्तर दिल्याचे अंबादास दानवे यांनी म्हटलं. शिवसेना मेळाव्यात अंबादास दानवे बोलत ( Mla Ambadas Danve On Shinde Group Offer ) होते.
शिवसेनेची मोर्चे बांधणी सुरू - शिवसेनेमधून एकनाथ शिंदे यांनी वेगळा गट स्थापन केल्यानंतर आता शिवसेनेच्या वतीने जोरदार पक्षबांधणी मेळावे घेण्यात येत आहे. शिवसेना नेते चंद्रकांत खैरे आणि अंबादास दानवे यांच्या माध्यमातून मेळावे आणि बैठकांचे सत्र सुरू करण्यात आले आहे. यामध्यामातून पक्षातील पदाधिकारी कार्यकर्ते जोडून ठेवण्याचे काम करण्याचा प्रयत्न केला जात आहे. यादरम्यान काही जण आपल्याला शिंदे गटात जाण्यासाठी पैशांची ऑफर आल्याचे देखील सांगत आहेत.