Aurangabad PickUp Tractor Accident : पिकअप गाडीची उभ्या ट्रॅक्टरला धडक, पाच जणांचा मृत्यू

सिल्लोड तालुक्यातील भराडी महामार्गावर पीकअप गाडी उसाच्या ट्रकला धडकल्याने भीषण अपघात झाला आहे. या अपघातात पाच जणांचा मृत्यू झाला आहे. ही घटना मध्यरात्री दोनच्या सुमारास घडली.

सिल्लोड (औरंगाबाद) : सिल्लोड तालुक्यातील भराडी महामार्गावर पीकअप गाडी उसाच्या ट्रकला ( Aurangabad Sillod PickUp Tractor Accident ) धडकल्याने भीषण अपघात झाला आहे. या अपघातात पाच जणांचा मृत्यू झाला आहे. ही घटना मध्यरात्री दोनच्या सुमारास घडली.

याबाबत सविस्तर मिळालेली माहिती अशी की, सिल्लोड तालुक्यातील भराडी महामार्गावर मोढा फाटा, भराडी रोड या ठिकाणी ऊस असलेले ट्रॅक्टर रस्त्याचे कडेला नादुरुस्त अवस्थेत उभे होते. मध्यरात्री 2 च्या सुमारास लेलँड छोटा पीकअप ( MH 20 CT 2981 ) प्रवासी घेऊन जात असताना या ऊसाच्या ट्रॅक्टरला धडकले. हा अपघात एवढा भीषण होता की त्यामध्ये पाच जणांचा मृत्यू झाला आहे.

पिकअप गाडीची उभ्या ट्रॅक्टरला धडक

मृतांची नावे

जिजाबाई गणपत खेळवणे ( वय 60 वर्ष ), संजय संपत खेळवणे (वय 42 वर्ष), संगिता रतन खेळवणे ( वय 35 वर्ष ), लक्ष्मीबाई अशोक खेळवणे ( वय 45 वर्ष ), अशोक संपत खेळवणे ( वय 52 वर्ष ), सर्वजण राहणार सिल्लोड तालुक्यातील मंगरुळ येथील रहिवासी आहेत. मृतदेह सिल्लोड रुग्णालय येथे आणण्यात आले असून, पुढील तपास पोलिस निरीक्षक कीर्तने करत आहे.