औरंगाबाद - निवडणुकीला सामोरे जाताना भीती वाटते, पण कामाच्या ओघात भीती जाणवत नाही, असे मत पंकजा मुंडे यांनी व्यक्त केले आहे. निवडणुकीच्या प्रचारासाठी शहरात घेण्यात आलेल्या पत्रकार परिषदेत त्या बोलत होत्या. तसेच परळी मतदारसंघात आपल्या बहिणीची 'हवा' असल्याचा दावा त्यांनी यावेळी केला.
औरंगाबादमध्ये निवडणुकीच्या प्रचारासाठी आल्यानंतर पंकजा मुंडे यांनी पत्रकार परिषद घेतली.
या विधानसभा निवडणुकीत आम्ही जिंकून येऊ; परंतु, एकहाती विजय मिळेल असे सांगणे चुकीचे राहिल,असे पंकजा मुंडे म्हणाल्या. मुंडे कुटुंबीयांच्या पारंपरिक परळी या मतदारसंघाबद्दल बोलताना, आम्ही एकमेकांत वाटून घ्यायला परळी आमची जहागिरी नसल्याचे त्यांनी म्हटले आहे. तसेच मी कधीच मुख्यमंत्री होण्याचा दावा केलेला नसून, देवेंद्र फडणवीसच मुख्यमंत्री होणार हे देखील त्यांनी यावेळी अधोरेखित केले.