औरंगाबाद - यापुढे नारायण राणेंना मराठवाड्यात पाय ठेऊ देणार नाही, तसेच, राणे मराठवाड्यात आलेच तर त्यांना सरळ करू असा इशारा शिवसेना उपनेते चंद्रकांत खैरे यांनी दिला आहे. दरम्यान, संघाला राणे आणि दानवेसारखे लोक कसे चालतात असा संतप्त सवालही खैरे यांनी यावेळी विचारला आहे.
शिवसेना उपनेते चंद्रकांत खैरे पत्रकारांशी बोलताना
केंद्रीय मंत्री नारायण राणे यांनी मुख्यमंत्री उद्धव ठाकरे यांच्याबाबत केलेल्या वक्तव्यावरून शिवसेना नेते चंद्रकांत खैरे संतप्त झाले आहेत. तसेच, राणे, रावसाहेब दानवेंसारखे लोक मोदींना कसे चालतात असा प्रश्न खैरे यांनी उपस्थित केला आहे. केंद्रीय मंत्री रावसाहेब दानवे यांनी मोदींना आणि राहुल गांधी यांना बैल संबोधले. आता नारायण राणे असे बेताल वक्तव्य करत आहेत. असे नेते पंतप्रधान नरेंद्र मोदी यांच्यासह संघाला कसे चालतात असही खैरे म्हणाले आहे.