औरंगाबाद- महापालिका निवडणुकीच्या तोंडावर औरंगाबादच्या पाण्याचा प्रश्न ( Aurangabad water issue ) चांगलाच पेटणार आहे. औरंगाबादची पाणी समस्या सोडविण्यासाठी पंतप्रधानांनी लक्ष ( Bhagatsingh Koshyari on Aurangabad water issue ) घालावे. औरंगाबादमध्ये पाच-सात दिवसांनी पाणी येते, असे वक्तव्य राज्यपाल भगतसिंह कोश्यारी यांनी मंगळवारी केले.
राज्यपाल भगतसिंह कोश्यारी ( MH governor on water issue ) यांनी ‘मोदी है तो मुमकिन है’ हे सांगत औरंगाबादच्या पाण्याचा प्रश्न नक्की मार्गी लागेल, असा विश्वास वक्तव्य केला. मुख्यमंत्री उद्धव ठाकरे व पंतप्रधान नरेंद्र मोदी यांच्या समक्ष ही मागणी केल्याने शिवेसनेत संतापाचे वातावरण आहे. पंतप्रधान नरेंद्र मोदी हे १३ जूनला महाराष्ट्राच्या दौऱ्यावर होते. त्यांनी देहुमध्ये हजेरी लावली होती.
कंत्राटदाराने हलगर्जीपणा दाखविल्यास कठोर कारवाई करा-मला कारणे सांगत बसू नका, तातडीने मार्ग काढा, कोणत्याही परिस्थितीत औरंगाबाद ( Aurangabad Water Issue ) शहरातील नागरिकांना व्यवस्थित पाणीपुरवठा झाला पाहिजे, अशा शब्दांत मुख्यमंत्री उद्धव ठाकरे ( CM Uddhav Thackeray Meeting On Aurangabad Water Issue ) यांनी पाणी पुरवठा करणाऱ्या प्रशासकीय अधिकाऱ्यांना २ जूनला खडसावले. सध्याच्या पाणी वितरणात आणखी जादा पाणी कसे उपलब्ध होईल, यासाठी विभागीय आयुक्तांनी स्वतः लक्ष घालून नागरिकांना योग्यरीतीने पाणी द्यावे, असे आदेश मुख्यमंत्री ठाकरे यांनी आज दिले. पाणी योजनेच्या कामात कंत्राटदाराने हलगर्जीपणा दाखविल्यास कठोर कारवाई करावी, अशा सूचना मुख्यमंत्र्यांनी प्रशासनाला दिल्या आहेत.