Maharana Pratap statue dispute : महाराणा प्रताप यांच्या पुतळ्यावरून तापलं राजकारण.. इम्तियाज जलील-शिवसेना आमने-सामने

महाराणा प्रताप यांच्या पुतळा उभारणीवरून आता राजकारण तापत (Maharana Pratap statue dispute) चाललं आहे. महाराणा प्रताप यांचा पुतळा उभारण्याऐवजी त्यांच्या नावाने एखादी सैनिकी शाळा सुरू करावी, अशी मागणी खासदार इम्तियाज जलील यांनी केली आहे. मात्र त्यानंतर शिवसेनेने त्यांच्याविरुद्ध टीका केली आहे तर (politics over Maharana Pratap statue) राजपूत समाजाने आंदोलन पुकारले आहे.

औरंगाबाद - महाराणा प्रताप यांच्या पुतळा उभारणीवरून आता राजकारण तापत (Maharana Pratap statue dispute) चाललं आहे. महाराणा प्रताप यांचा पुतळा उभारण्याऐवजी त्यांच्या नावाने एखादी सैनिकी शाळा सुरू करावी, अशी मागणी खासदार इम्तियाज जलील यांनी केली आहे. मात्र त्यानंतर शिवसेनेने त्यांच्याविरुद्ध टीका केली आहे तर (politics over Maharana Pratap statue) राजपूत समाजाने आंदोलन पुकारले आहे.

काय आहे प्रकरण -
जिल्ह्याचे पालक मंत्री सुभाष देसाई यांच्या अध्यक्षतेखाली झालेल्या जिल्हा नियोजन समितीच्या बैठकीत भाजप आमदार अतुल सावे, सेना आमदार अंबादास दानवे यांनी सिडको भागात महाराणा प्रताप यांचा पुतळा उभारण्याची मागणी केली होती. त्यासाठी तब्बल एक कोटी रुपयांच्या जवळपास खर्च हा अपेक्षित आहे. मात्र त्यावेळेस पुतळा उभारण्यास खा. जलील यांनी विरोध करत पुतळा उभारणीवर खर्च करण्यात येणाऱ्या निधीतून, ग्रामीण भागातील युवक व युवतींना राष्ट्रीय सेवेसाठी सैनिकी शाळा सुरू करण्याची मागणी केली होती आणि त्यासंबंधीचे पत्राद्वारे त्यांनी मागणी केली होती. त्यावरून हा वाद सुरू झाला आहे.

सेनेने केली टीका -

महाराणा प्रताप यांच्यावर बोलून इम्तियाज जलील वातावरण खराब करत आहेत. येणाऱ्या निवडणुका लक्षात घेता असं वक्तव्य करून काहीतरी चर्चा करायची असं काम ते करत आहेत. मात्र महाराणा प्रताप हे महापुरुष होते. त्यांचा पुतळा संसदेतही आहे. त्यांच्यापासून वेगळी प्रेरणा आणि ऊर्जा मिळते. त्यामुळे त्यांचा पुतळा उभारण्याची मागणी आमची आहे. जलील यांच्या वक्तव्यामुळे सर्व स्तरातून त्यांचा निषेध केला जातोय. देशातील विविध राज्यात त्यांच्या विरोधात आंदोलन सुरू होत आहे. त्यांचा विरोध कायम राहिला तर शिवसेनाही रस्त्यावर उतरल्याशिवाय राहणार नाही. असा इशारा शिवसेना नेते चंद्रकांत खैरे यांनी दिला आहे. तर राजपूत संघटनांनी खा. जलील यांच्या विरोधात आंदोलन करत आपला विरोध दर्शवला आहे.

एमआयएम विद्यार्थी संघटनेने केले समर्थन -

खा. इम्तियाज जलील यांनी महाराणा प्रताप यांच्या पुतळ्याला विरोध केला आहे. मात्र त्याला एक चांगल कारण आहे. महाराणा प्रताप हे थोर आणि शूरवीर होते. त्यांच्या शौर्याबद्दल कुठलीही शंका नाही. त्यांचा आदर सर्वच करतात. मात्र नुसता पुतळा उभारून काही होणार नाही. तर त्याबरोबर देशाची सेवा करण्यासाठी मुलांना प्रवृत्त करावं आणि त्यासाठी एक चांगले सैनिकी महाविद्यालय उभारण्यात यावे, अशी मागणी खा. जलील यांनी केली आहे. त्यामुळे त्यांची मागणी योग्य असल्याे मत एमआयएम विद्यार्थी संघटनेचे अध्यक्ष डॉ. कुणाल खरात यांनी केले आहे.