औरंगाबाद- मी आत्महत्या करीत आहे. माझ्या आत्महत्येस कोणालाही जबाबदार धरू नये, अशा आशयाची सुसाईड नोट लिहून सातारा परिसरातील ३३ वर्षीय महिलेने राहत्या घरी गळफास लावून आत्महत्या केल्याची घटना गुरुवारी उघडकीस आली. या प्रकरणी सातारा पोलीस ठाण्यात आकस्मिक मृत्यूची नोंद करण्यात आली आहे.
बेबी गंगाधर जोगदंडे (वय ३३रा. तक्षशिला नगर सातारा परिसर) आत्महत्या केलेल्या महिलेचे नाव आहे. त्यांचा पती खासगी कंपनीत नोकरी करतो. गुरुवारी बेबी यांनी मुलांना घरात वरच्या मजल्यावर जात आहे, असे सांगितले. यावेळी मुले घरातच खेळत होती. मात्र त्यानंतर बेबी यांनी घराच्या तिसऱ्या मजल्यावर साडीच्या साहाय्याने गळफास लावून आत्महत्या केली.