अमरावती : कृषी क्षेत्रात उत्पादनाची निर्यात क्षमता व उत्पादनात वाढ होण्यासाठी अपेडा आणि ऍग्रो व्हिजन फाउंडेशनच्या (Apeda and Agro Vision Foundation) संयुक्त विद्यमाने आयोजित विदर्भातील कृषी उत्पादने फळे आणि भाजीपाला निर्यातीची संधी या विषयावर रविवार दिनांक १७ जुलै रोजी कार्यशाळेचे आयोजन करण्यात आले आहे. या कार्यशाळेच्या उद्घाटनासाठी प्रमुख पाहुणे म्हणून गडकरी उपस्थित राहणार आहेत.
दुपारी 1 ते 3 राखीव वेळ असून 3.30 वाजता संकल्प चौधरी डायलिसिस सेंटर (Chowdhury Dialysis Center Amravati) येथे ता भेट देणार आहेत. दुपारी 4 वाजता हॉटेल रंगोली पर्ल येथे अपेडा व ऍग्रोव्हिजन कार्यक्रमाला उपस्थिती राहितील.सायंकाळी 5.45 वाजता मुधोळकर पेठेत रवींद्र खांडेकर यांच्या निवासस्थानी भेट देतील. त्यानंतर सायंकाळी 6 वाजता श्रीकुष्ण पेठेत मुकुंद पेठेत रहाटगानकर यांच्या निवासस्थानी भेट देऊन सायंकाळी 6.45 वाजता ते नागपूरकडे रवाणा होणार आहेत. विदर्भातील शेतजमीन सुपिक आहे. त्यामुळे इथल्या मातीत उगवणारे धान्य असो की फळे किंवा भाज्या प्रत्येक पिकात निर्मिती क्षमता आहे . येथील उत्पादकांना निर्यात धोरणे आणि त्यातल्या संधी विषयी फारशी माहिती नाही. त्यामुळे क्षमता असूनही विदर्भातला शेतीमाल उत्पादक मागे राहतो. नेमकी हीच उणीव भरून काढण्यासाठी अपेडा आणि ऍग्रो व्हिजन फाउंडेशन ने या कार्यशाळेचे आयोजन केले असल्याची माहिती दिनेश सुर्यवंशी, शिवराय कुळकर्णी यांनी पत्रपरिषदेत दिली. तर या कार्यक्रमाला प्रमुख अतिथी म्हणून संत गाडगेबाबा अमरावती विद्यापीठाचे कुलगुरू डॉ.दिलीप मालखेडे, अपेडाचे अध्यक्ष डॉ. अंगमुत्थू उपस्थित राहतील. इतर प्रमुख उपस्थिती मध्ये डॉ.तरूण बजाज संचालक अपेडा, रवी बोरटकर अध्यक्ष ऍग्रोव्हिजन फौंडेशन, रमेश मानकर सचिव ऍग्रोव्हिजन, आनंद राऊत हजेरी लावतील.