अमरावती - शहरातील शेगाव नाका चौकात अचानक समोर आलेल्या सायकलला ट्रकची धडकबसून सायकलस्वार ट्रकखाली चिरडला गेला. या अपघातामुळे शेगाव नाका चौकात खळबळ उडाली. जियालदास मोटवाणी (65) असे मृत व्यक्तीचे नाव असून ते रामपुरी कॅम्प परिसरातील कृष्णानगर येथील रहिवासी आहेत, अशी माहिती माहिती पोलिसांनी दिली आहे.
गाडगेनगर पोलीस ठाण्यालागतच हा अपघात घडला. विलास नगरवरून वलगावकडे जात असताना शेगावनाका चौकात ट्राफिक सिग्नलमुळे विलास नागरकडून गाडगेनगर आणि शेगाव परिसराकडे जाणाऱ्या वाहनांची गर्दी झाली होती. दरम्यान, या ट्रकला डाव्या बाजूला वळून वलगावाकडे जायचे असले तरी समोर वाहने उभी असल्याने हा ट्रक उभा होता. दरम्यान, सिग्नल मिळताच या मार्गावरील वाहने समोर निघाली, ट्रक वलगावला जाण्यासाठी कठोरा नाक्याकडे वळतात ट्रकच्या बाजूला असणारा सायकलस्वार अचानक ट्रकच्या मधात आला. अचानक समोर आल्याने ट्रकचालकास नेमके काय होत आहे हे कळायच्या आत सायकलस्वाराच्या अंगावरून ट्रक गेला. या अपघातात सायकलस्वार जियालदास मोटवणी घटनास्थळीच ठार झाले. गाडगे नगर पोलिसांनी त्यांच्या मृतदेहावर कापड टाकून तो आहे तिथेच झाकून ठेवला. यानंतर ट्रक चालकास ताब्यात घेतले.