अमरावती - जिल्हा परिषदेवर महाविकास आघाडीचा झेंडा फडकला आहे. अध्यक्ष आणि उपाध्यक्ष पदाची निवडणूक बिनविरोध झाली असून काँग्रेसचे जिल्हा अध्यक्ष बबलू देशमुख हे जिल्हा परिषदेचे अध्यक्ष तर शिवसेनेचे विठ्ठल चव्हाण हे उपाध्यक्ष म्हणून निवडून आले आहे. अमरावती जिल्हा परिषदेत अडीच वर्षांपूर्वी काँग्रेस आणि शिवसेनेने एकत्र येऊन सत्ता स्थापन केली होती.
अमरावती जिल्हा परिषदेवर महाविकास आघाडीचा झेंडा हेही वाचा... जेएनयू हिंसाचार : 24 तासांच्या आत आरोपींना अटक करा - पी. चिदंबरम
राज्यात काँग्रेस आणि शिवसेनेची महाविकास आघाडी असल्याने अमरावती जिल्हा परिषदेत देखील पुन्हा एकदा या दोन्ही पक्षांनी एकत्र येऊन महाविकास आघाडीचा झेंडा फडकवला आहे. जिल्हा परिषदेत काँग्रेसचे 25 सदस्य आहे. तर राष्ट्रवादी काँग्रेसचे 2, शिवसेनेचे 3, भाजपचे 13 प्रहार संघटनेचे 5, लढा संघटनेचा 1, अपक्ष 1 आणि युवा स्वाभिमान संघटनेचे 2 सदस्य आहेत.
हेही वाचा... जेएनयुतील घटनेमुळे देशाच्या एकतेवर प्रश्नचिन्ह - सुप्रिया सुळे
या निवडणुकीत आपण काँग्रेसला धक्का देऊ शकतो का? याची चाचपणी भाजपने निवडणुक जाहीर होताच केली. मात्र जिंकण्याची शक्यता नाही, हे लक्षात येताच भाजपने निवडणुकीतून अंग काढून घेतले. दरम्यान अध्यक्षपदासाठी काँग्रेसचे बबलू देशमुख आणि उपाध्यक्षपदासाठी शिवसेनेचे विठ्ठल चव्हाण या दोघांचे अर्ज होते. सोमवारी दुपारी निवडणूक निर्णय अधिकारी म्हणून उपविभागीय अधिकारी उदय राजपूत यांनी निकाल जाहीर केला. यात जिल्हा परिषदेचे अध्यक्ष म्हणून काँग्रेसचे बबलू देशमुख आणि उपाध्यक्षपदी शिवसेनेचे विठ्ठल चव्हाण यांची बिनविरोध निवड झाल्याचे घोषित केले.
हेही वाचा... नाशिक : तीनच दिवसात सोने ३,२०० रुपयांनी महाग
निकाल जाहीर झाल्यानंतर काँग्रेस, राष्ट्रवादी काँग्रेस, शिवसेना, बसपा, प्रहारच्या सदस्यांनी ढोल-ताशे वाजवून आणि फटाक्यांची आतिषबाजी करून जल्लोष केला. निकाल जाहीर झाल्यानंतर राज्याच्या महिला व बाल कल्याण मंत्री यशोमती ठाकूर, माजी आमदार वीरेंद्र जगताप आणि शिवसेनेच्या प्रीती बंड यांनी जिल्हा परिषदेत पोहोचून बबलू देशमुख आणि विठ्ठल चव्हाण यांचे अभिनंदन केले.
