मुंबई : जर तुम्हीही नवरात्रीच्या निमित्ताने सोने किंवा सोन्याचे दागिने घेण्याचा विचार करीत असाल तर तुमच्यासाठी एक महत्त्वाची बातमी आहे. गेल्या अनेक दिवसांपासून सोन्या-चांदीच्या दरातील चढ-उताराच्या पार्श्वभूमीवर सोमवारी या व्यवहाराच्या ( Today Gold Silver Rate ) पहिल्याच दिवशी सोन्याच्या दरात वाढ झाली, तर चांदी स्वस्त झाली. 24 कॅरेट सोने सध्या सोने 49590 रुपये प्रति 10 ग्रॅम आणि चांदी 55374 रुपये किलोच्या ( 27 Septembar 2022 Gold Silver Rates ) आसपास विकली जात आहे. मागील 9 महिन्यांपूर्वीच्या उच्चांकी पातळीच्या रेशोनुसार सोने 6600 रुपयांनी, तर चांदी 24600 रुपयांनी स्वस्तच आहे.
सोमवारी सोने 158 रुपये प्रति दहा ग्रॅमने महागले आणि तो 49590 रुपये प्रति 10 ग्रॅमवर बंद झाला. तर शुक्रवारी शेवटच्या व्यवहाराच्या दिवशी सोने प्रति दहा ग्रॅम ४६२ रुपयांनी स्वस्त होऊन ४९४३२ रुपये प्रति दहा ग्रॅमवर बंद झाले. तर चांदी 726 रुपयांनी स्वस्त होऊन 55374 रुपये प्रति किलोवर बंद झाली. तर शुक्रवारी शेवटच्या व्यवहाराच्या दिवशी चांदी प्रतिकिलो 1243 रुपयांनी स्वस्त होऊन 56100 रुपयांवर बंद झाली.
आंतरराष्ट्रीय बाजारात सोन्याच्या किमती कमी :सोन्याच्या किमती सोमवारी संध्याकाळपर्यंत आंतरराष्ट्रीय बाजारात नवीन 2-1/2-वर्षांच्या नीचांकी पातळीवर आल्या, मजबूत डॉलर आणि महागाई कमी करण्यासाठी यूएस फेडरल रिझर्व्हकडून व्याजदरात आणखी वाढ होण्याची शक्यता. सत्राच्या सुरुवातीला एप्रिल 2020 नंतरची सर्वात कमी पातळी गाठल्यानंतर 0053 GMT नुसार स्पॉट गोल्ड 0.3% घसरून $1,638.59 प्रति औंसवर होते. सकाळी 9:47 वाजता, मल्टी-कमोडिटी एक्सचेंज (MCX) वर सोन्याचा करार 0.06 टक्क्यांनी घसरून 10 ग्रॅमसाठी 49,370 रुपये आणि चांदीचा भाव 1.23 टक्क्यांनी घसरून 55,540 रुपये प्रति किलोग्रामवर होता.