Bloomberg Billionaires Index Top 20: गौतम अदानींचा पाय खोलात.. श्रीमंतांच्या यादीत टॉप २० मधूनही बाहेर.. अंबानी आत

अमेरिकन रिसर्च एजन्सी हिंडनबर्गचा अहवाल समोर आल्यापासून अदानी समूहाचे शेअर्स घसरत आहेत. त्यांच्या समभागांची घसरण अव्याहतपणे सुरू आहे. ज्याचा थेट परिणाम त्यांच्या नेटवर्थवर होत आहे. ताज्या माहितीनुसार, गौतम अदानी आता जगातील 20 श्रीमंतांच्या यादीतून बाहेर पडले आहेत.

नवी दिल्ली : अमेरिकन रिसर्च फर्म हिंडेनबर्गचा अहवाल प्रसिद्ध झाल्यानंतर अदानी समूहाच्या कंपनीच्या शेअर्समध्ये त्सुनामी आली आहे. ज्याने गौतम अदानींच्या साम्राज्याला हादरा दिला आहे. प्रत्येक दिवस जात असताना त्यांच्या निव्वळ संपत्तीत मोठी घसरण होत आहे. याचा परिणाम म्हणून गौतम अदानी आता जगातील 20 श्रीमंतांच्या यादीतून बाहेर पडले आहेत. दोनच दिवसांपूर्वी अदानी पहिल्या दहा श्रीमंत व्यक्तींच्या यादीतून बाहेर पडले होते.

५२ अब्ज डॉलर्स गमावले :ब्लूमबर्ग बिलियनेअर्स इंडेक्सनुसार, गौतम अदानी यांच्या संपत्तीत घसरण झाल्यामुळे ते अब्जाधीशांच्या यादीत 21 व्या स्थानावर घसरले आहेत. त्यांची एकूण संपत्ती ६१.३ अब्ज डॉलरवर आली आहे. गेल्या 24 तासांत त्यांचे 10.7 अब्ज डॉलरचे नुकसान झाले आहे. दुसरीकडे, फोर्ब्सच्या रिअल टाइम अब्जाधीशांच्या यादीनुसार, ते $55.8 अब्ज संपत्तीसह 22 व्या स्थानावर पोहोचले आहेत. गुरुवारी जगातील श्रीमंतांच्या यादीत गौतम अदानी 64.7 अब्ज डॉलर्ससह 16 व्या क्रमांकावर होते. अवघ्या 24 तासांत तो 5 स्थानांनी खाली घसरून 21 व्या क्रमांकावर पोहोचले आहेत.

दहा दिवसांमध्ये झाले मोठे नुकसान :ब्लूमबर्गच्या डेटानुसार, या वर्षाच्या सुरुवातीपासून त्यांनी $ 59.2 अब्ज संपत्ती गमावली आहे. केवळ गेल्या 10 दिवसांत त्यांचे 52 अब्ज डॉलर्सचे नुकसान झाले आहे. गुरुवारी अदानींच्या शेअर्सची स्थिती गेल्या एका आठवड्यात गौतम अदानी यांच्या कंपन्यांच्या शेअर्समध्ये झालेल्या घसरणीमुळे, शेअर बाजारात सूचिबद्ध त्यांच्या कंपन्यांचे एकूण मार्केट कॅप $ 100 बिलियनपेक्षा जास्त कमी झाले आहे.

अंबानी आशियातील सर्वात श्रीमंत व्यक्ती :मुकेश अंबानीही टॉप-10 च्या यादीतून बाहेर आहेत, तर गौतम अदानी टॉप-20 अब्जाधीशांच्या यादीतून बाहेर पडले आहेत. दुसरीकडे रिलायन्स इंडस्ट्रीजचे चेअरमन मुकेश अंबानी यांच्या नेट वर्थमध्येही घसरण झाली आहे. टॉप-10 श्रीमंतांच्या यादीतूनही ते बाहेर पडले आहेत. मुकेश अंबानींची नेट वर्थ $80.3 बिलियनवर आली आहे. कारण गेल्या 24 तासात एका दिवसात $695 दशलक्षचे नुकसान झाले आहे. एवढ्या संपत्तीसह ते ब्लूमबर्ग अब्जाधीशांच्या निर्देशांकात 12व्या स्थानावर पोहोचले आहेत. मात्र, संपत्तीच्या बाबतीत गौतम अदानी यांना मागे टाकून मुकेश अंबानी आता आशियातील सर्वात श्रीमंत व्यक्ती बनले आहेत. दुसरीकडे, कालपर्यंत ते फोर्ब्सच्या रियल टाईम अब्जाधीशांच्या यादीत 10 व्या स्थानावर होते पण आज ते 12 व्या क्रमांकावर आहेत.