मुंबई शेअर बाजारात ५०० अंशांनी उसळी; आयसीआयसीआयच्या शेअरमध्ये सर्वाधिक तेजी

मुंबई शेअर बाजार सकाळी सुमारे १० वाजचा ५०२.१६ अंशांनी वधारला. तर निफ्टीचा निर्देशांक १८५.९५ अंशांनी वधारून ११,३८७.७० वर पोहोचला. मुंबई शेअर बाजारात सर्वाधिक आयसीआयसीआय बँकेचे शेअर वधारले आहेत.

मुंबई- सप्ताहाच्या प्रारंभी शेअर बाजार निर्देशांक सकाळच्या सत्रात ५०० अंशांनी वधारला आहे. २००८ मधील मंदीच्या काळात झालेल्या नुकसानाहून शेअर बाजाराचे गेल्या आठवडभरात जास्त नुकसान झाले आहे.

मुंबई शेअर बाजार खुला होताना ७५० अंशांनी वधारला होता. त्यानंतर सकाळी सुमारे १० वाजता शेअर बाजार निर्देशांक ५०२.१६ अंशांनी वधारला. तर निफ्टीचा निर्देशांक १८५.९५ अंशांनी वधारून ११,३८७.७० वर पोहोचला. मुंबई शेअर बाजारात सर्वाधिक आयसीआयसीआय बँकेचे शेअर वधारले आहेत.

खनिज तेलाचे दर प्रति बॅरल ३.५ टक्क्यांनी वधारून ५१.४४ डॉलरवर पोहोचले. विदेशी गुंतवणूकदार संस्थांनी शुक्रवारी १,४२८.७४ कोटी रुपयांच्या शेअरची विक्री केली. तर देशातील गुंतवणूकदारांनी ७,६२१.१६ कोटी रुपयांच्या शेअरची खरेदी केली. शुक्रवारी मुंबई शेअर बाजार निर्देशांकात १,४४८ अंशांनी घसरण झाली होती.

हेही वाचा-कर्नाटकमधील ओवा उत्पादक शेतकऱ्यांना कोरोनाचा आर्थिक फटका

कोरोनाचा जगाला वाढला धोका-

कोरोनाचा प्रसार जगभरातील ६० हून अधिक देशांमध्ये झाला आहे. जागतिक आरोग्य संस्थेने कोरोनाचा धोका वाढल्याचे जाहीर केले आहे. दरम्यान, कोरोनाने चीनमध्ये सुमारे ३ हजार लोकांना प्राण गमवावे लागले आहेत. तर ८७,००० हून अधिक लोकांना कोरोनाची लागण झाली आहे.

हेही वाचा-चिंताजनक! केंद्र सरकारने मिळविलेल्या महसुलापैकी ८४.१ टक्के जानेवारीपर्यंत खर्च