नवी दिल्ली - सर्वसामान्यांना भेडसावणाऱ्या महागाईने नोव्हेंबरमध्ये उच्चांक गाठल्याचे सरकारी आकडेवारीतून समोर आले आहे. किरकोळ बाजारपेठेतील महागाईची नोव्हेंबरमध्ये ५.५४ टक्के नोंद आली आहे. ही किरकोळ बाजारपेठेतील महागाई गेल्या ३ वर्षात सर्वाधीक आहे.
शहर व ग्रामीण भागात अन्नाच्या (फूड) किंमती १०.०१ टक्क्यांनी वाढल्या आहेत. त्याचा परिणाम म्हणून किरकोळ बाजारपेठेतील महागाईत वाढ झाली.
हेही वाचा-मंदीचे सावट कायम... औद्योगिक उत्पादनात ऑक्टोबरमध्ये ३.८ टक्क्यांची घसरण
नोव्हेंबर २०१६ मध्ये किरकोळ बाजारपेठेतील महागाईची ४.६२ टक्के नोंद झाली आहे.
महागाईच्या आकेडवारीनुसारच आरबीआयचे ठरते पतधोरण-
भारतीय रिझर्व्ह बँक ही द्विमासिक पतधोरण जाहीर करताना ग्राहक किंमत निर्देशांकाचा (सीपीआय) विचार करते. भारतीय रिझर्व्ह बँकेने महागाईचा निर्देशांक जास्तीत जास्त ४ टक्के व कमीत कमी २ टक्के ठेवण्याचे उद्दिष्ट निश्चित केले आहे.