'वाहन उद्योगातील नोकऱ्या कमी झाल्याच्या आकडेवारीला पुष्टी नाही'

वाहन उद्योगातील विक्रीत घट झाल्याबाबत केंद्रीय मंत्री प्रकाश जावडेकर यांनी लेखी उत्तर राज्यसभेत दिले. या उत्तरात त्यांनी अनेक अर्थव्यवस्थांमध्ये चक्रीय मंदावलेली स्थिती असल्याचे सांगितले.

नवी दिल्ली - वाहन उद्योगातील हंगामी मनुष्यबळामध्ये कपात झाली आहे. मात्र नोकऱ्या कमी झालेल्या आकडेवारीची पुष्टी झालेली नाही, असे अवजड उद्योग आणि सार्वजनिक उद्योग मंत्री प्रकाश जावडेकर यांनी सांगितले.

वाहन उद्योगातील विक्रीत घट झाल्याबाबत केंद्रीय मंत्री प्रकाश जावडेकर यांनी लेखी उत्तर राज्यसभेत दिले. या उत्तरात त्यांनी अनेक अर्थव्यवस्थांमध्ये चक्रीय मंदावलेली स्थिती असल्याचे सांगितले. सर्व श्रेणीतील वाहनांच्या विक्रीत एप्रिल ते डिसेंबर २०१९ मध्ये घट होवून १७.१ दशलक्ष वाहनांची विक्री झाली. तर वर्ष २०१८ मध्ये एप्रिल ते डिसेंबरमध्ये वाहनांची एकूण विक्री ही २०.३ दशलक्ष वाहनांची विक्री झाली होती. वाहन विक्रीत घट झाल्याचे त्यांनी मान्य केले.

हेही वाचा-सीतारामन यांच्या अर्थसंकल्पामुळे राज्यांचे १ लाख ५३ हजार कोटींचे नुकसान

धोरणकर्ते म्हणून अर्थव्यवस्थेत सुधारणा करण्यासाठी नेहमीच प्रयत्न करण्यात येत आहेत. वाहन उद्योगातील प्रगतीत सातत्य ठेवण्यासाठी आर्थिक सुधारणांचे पॅकेज देण्यात आले आहे.

हेही वाचा-अर्थसंकल्पानंतरचे आरबीआयचे पहिलेच पतधोरण; गुरुवारी होणार जाहीर

वाहन उद्योगातील मंदावलेल्या स्थितीचे प्रमाण कमी करण्यासाठी सरकारने पावले उचलल्याचेही जावडेकर यांनी सांगितले. यामध्ये कॉर्पोरेट कर २२ टक्के कमी करण्याचा निर्णय, बँकांचे पुनर्भांडवलीकरण आणि रेपो दराशी वाहन कर्ज संलग्न करणे अशा निर्णयांचा समावेश आहे. वाहने भंगारात काढण्याच्या धोरणावरही सरकार विचार करत असल्याचे जावडेकर यांनी राज्यसभेत सांगितले.