प्रचंड मंदीला सामोरे जाणाऱ्या भारताची अर्थव्यवस्था 'आयसीयू'च्या दिशेने

विद्युत उर्जानिर्मितीची स्थितीही १९९१ हून अधिक वाईट आहे. गेल्या तीस वर्षात विद्युत उर्जा निर्मितीची एवढी वाईट स्थिती नव्हती, असे अरविंद सुब्रमण्यम यांनी लिहिलेल्या पेपरमध्ये म्हटले आहे.

नवी दिल्ली - देश प्रचंड अशा मंदीला सामोरे जात आहे. तर अर्थव्यवस्था ही बँकांवरील संकटाने अतिदक्षता विभागाकडे जात असल्याचा इशारा देशाचे माजी मुख्य आर्थिक सल्लागार अरविंद सुब्रमण्यम यांनी दिला. अशी माहिती देणारे पेपर त्यांनी हॉवर्ड विद्यापीठाच्या जागतिक विकास केंद्रासाठी लिहिली आहेत.

सुब्रमण्यम हे मोदी सरकारमधील पहिले मुख्य आर्थिक सल्लागार होते. त्यांनी गतवर्षी ऑगस्टमध्ये राजीनामा दिला होता. त्यांनी आंतरराष्ट्रीय नाणेनिधीच्या भारतीय कार्यालयाचे माजी प्रमुख जॉश फेलमॅन यांच्याबरोबर पेपर प्रसिद्ध केले आहेत. यामध्ये भारताच्या अर्थव्यवस्थेवर चार क्षेत्राच्या ताळेबंदामुळे (फोर बॅलन्स शीट) मोठ्या प्रमाणात विपरित परिणाम होत असल्याचे पेपरमध्ये म्हटले आहे.

पेपरमध्ये सुब्रमण्यम यांनी म्हटले, स्पष्टपणे सांगायचे झाले तर ही सामान्य मंदी नाही. ही भारतात असणारी प्रचंड मंदी आहे. देशाच्या दीर्घकाळाच्या विकासात योगदान देणारी गुंतवणूक आणि निर्यातीचे प्रमाण जागतिक आर्थिक संकट आल्यापासून कमी झाले आहे. याशिवाय विकासाचे इंजिन असलेले मागणी (कन्झम्पशन) हेदेखील थांबले आहे. त्यामुळे गेल्या काही तिमाहीत राष्ट्रीय सकल उत्पन्नाचा विकासदर घसरला आहे.

हेही वाचा-जीएसटी परिषद : करवाढ नाही, देशातील लॉटरीवर एकसमान दर लागू करण्याबाबत बहुमत

अर्थव्यस्था स्थिर करण्यासाठी स्पष्टपणे कृती केली पाहिजे. तसेच अर्थव्यवस्था वेगवान वृद्धीदराच्या मार्गावर आणायला हवी. जर अर्थव्यवस्था वेळीच सुधारली नाही तर डाटा बिग बँग होवू शकते, असाही त्यांनी इशारा दिला. डाटा बिगबँग म्हणजे वित्तीय बाजारातील अनियमितता असते.

हेही वाचा-टाटा सन्सच्या चेअरमन पदावर नियुक्ती देणाऱ्या निकालावर सायरस मिस्त्री म्हणाले...

विद्युत उर्जानिर्मितीची स्थितीही १९९१ हून अधिक वाईट आहे. गेल्या तीस वर्षात विद्युत उर्जा निर्मितीची एवढी वाईट स्थिती नव्हती, असेही पेपरमध्ये म्हटले आहे. यापूर्वी दोन क्षेत्रातील ताळेबंदाच्या समस्येमुळे खासगी कॉर्पोरेट कंपन्यांनी मोठ्या प्रमाणात कर्ज बुडविल्याचे सुब्रमण्यम यांनी डिसेंबर २०१४ मध्ये म्हटले होते. तेव्हा ते मोदी सरकारमध्ये आर्थिक सल्लागार म्हणून कार्यरत होते.