बँकॉक- बहुचर्चित अशा 'आरसीईपी'मध्ये भारताने सहभागी न होण्याचे ठरविले आहे. या करारामधील मुख्य चिंताजनक प्रश्न सुटले नसल्याने हा निर्णय घेण्यात आल्याचे सरकारमधील सूत्राने म्हटले आहे.
भारत 'आरसीईपी'त होणार नाही सहभागी
पंतप्रधान नरेंद्र मोदी हे 'आरसीईपी'त सहभागी न होण्यावर ठाम राहिल्याचे सूत्राने सांगितले. भारताच्या महत्त्वाच्या हिताबाबत तडजोड करण्यात येणार नाही, असे सूत्राने सांगितले. तसेच आरसीईपी करार हा मूळ उद्देशाप्रमाणे नाही. त्यातून योग्य आणि संतुलित असे निष्पन्न होणार नाही, असेही सूत्राने म्हटले. चीनमधून होणाऱ्या आयातीवर संरक्षण व बाजारपेठ प्रवेशासाठी खात्रीशीर अशा आश्वासनाचा अभाव, या भारताच्या दृष्टीने विविध चिंताजनक बाबी आहेत.