नवी दिल्ली - मंदावलेल्या अर्थव्यवस्थेमधून वाहन उद्योग अजून बाहेर पडला नाही. सलग आठव्या महिन्यात मारुतीने उत्पादनात कपात केली आहे. मारुतीने सप्टेंबरमध्ये उत्पादनात १७.४८ टक्के कपात केली आहे.
मारुतीने सप्टेंबरमध्ये १ लाख ३२ हजार १९९ वाहनांचे उत्पादन घेतले. गतवर्षी सप्टेंबरमध्ये मारुतीने १ लाख ६० हजार २१९ वाहनांचे उत्पादन घेतले होते. ही माहिती मारुती सुझुकी इंडियाने शेअर बाजाराला दिली आहे. चालू वर्षात सप्टेंबरमध्ये गेल्या वर्षीच्या सप्टेंबरच्या तुलनेत १७.३७ टक्के घट झाली आहे. गेल्या महिन्यात प्रवासी वाहनांची १ लाख ३० हजार २६४ वाहनांची विक्री झाली होती. गतवर्षी सप्टेंबरमध्ये १ लाख ५७ हजार ६५९ वाहनांची विक्री झाली होती.