नवी दिल्ली - रिलायन्स कम्युनिकेशन्सचे मालक असलेल्या अनिल अंबानी यांनी संचालकपदाचा राजीनामा दिला आहे. कंपनीने ही माहिती शेअर बाजाराला दिली आहे. रिलायन्स कम्युनिकेशन्स ही सध्या आर्थिक अडचणीत सापडलेली आहे.
अनिल अंबानी यांच्याव्यतिरिक्त छाया विरानी, रिना करानी यांच्यासह इतर दोन संचालकांनी पदाचे राजीनामे दिले आहेत. संचालक मणीकांतन व्ही. आणि मुख्य वित्तीय अधिकारी यांनी यापूर्वीच पदाचे राजीनामे दिले आहेत. हे राजीनामे कंपनीच्या कमिटीपुढे विचारासाठी ठेवण्यात येणार असल्याचेही कंपनीने शेअर बाजाराला दिलेल्या माहितीत म्हटले आहे.