घाऊक बाजारपेठेतील महागाईत वाढ; जानेवारीत ३.१ टक्क्यांची नोंद

मागील वर्षात डिसेंबरदरम्यान महागाईचा दर हा २.७६ टक्के होता. चालू आर्थिक वर्षात महागाईचा दर हा २.५० टक्के राहिला आहे.

नवी दिल्ली - घाऊक बाजारपेठेतील महागाईत जानेवारीत वाढ झाली आहे. घाऊक बाजारपेठेत महागाई निर्देशांक जानेवारीदरम्यान ३.१ टक्के राहिला आहे. तर मागील महिन्यात डिसेंबर २०१९ मध्ये महागाईचा दर २.५९ टक्के होता.

मागील वर्षात जानेवारीदरम्यान महागाईचा दर हा २.७६ टक्के होता. चालू आर्थिक वर्षात महागाईचा दर हा २.५० टक्के राहिला आहे. तर गेल्या आर्थिक वर्षात महागाईचा दर हा २.४९ टक्के होता. जानेवारीमधील अन्न वर्गवारीच्या महागाईचा दर हा डिसेंबरच्या तुलनेत १ टक्क्यांनी कमी झाला आहे.

हेही वाचा-महागाईचा वाढता आलेख; जानेवारीत ७.५९ टक्क्यांची नोंद

फळे व पालेभाज्यांचे दर कमी घसरल्याने अन्नाच्या महागाईत जानेवारीत घसरण झाली आहे.

किरकोळ बाजारातील महागाईचे प्रमाण वरचेवर वाढत आहे. जानेवारी २०२० मध्ये किरकोळ बाजारातील महागाई ७.५९ टक्के झाली आहे. हे प्रमाण भारतीय रिझर्व्ह बँकेने निश्चित केलेल्या मर्यादेहून अधिक आहे. अन्नाच्या किमती वाढल्याने महागाई वाढल्याचे सरकारी आकडेवारीतून दिसून आले आहे.