शिवकाशी (तामिळनाडू) - सर्वोच्च न्यायालयाने प्रदूषण करणाऱ्या फटाक्यांवर ऑक्टोबर २०१८ पासून बंदी घातली आहे. त्याचा परिणाम म्हणून येथील कारखान्यामधील कामगार आणि फटाके उत्पादकांना त्यांचा उदरनिर्वाह आणि व्यवसाय संपुष्टात येणार असल्याची भीती होती. हरित फटाक्यांची घोषणा केल्यानंतर या उद्योगाला काहीसा दिलासा मिळाला. मात्र शिवकाशीमधील ९० टक्के फटाके उत्पादकांना अजूनही हरित फटाके माहित नाहीत.
श्री वेलवन फायरवर्क्सचे मालक एन. एलानगोवान म्हणाले, सीएसआयआर-एनईईआरआयच्या संस्थेने तयार केलेल्या फॉर्म्युल्यात बेरियम नायट्रेटचा वापर करण्यात आला नाही. त्याशिवाय फटाके तयार करणे आम्हाला शक्य नाही. हरित फटाके हे भूईचक्रे, फुलझाड, फुलबाजी अशा ठरावीक उत्पादनामध्ये वापरणे शक्य होत असल्याचेही त्यांनी सांगितले. शिवकाशीमधील उद्योग हे गेल्या ९५ वर्षापासून फटाके उत्पादन घेत आहेत. त्यांना रासायनिक घटकांची पूर्ण माहिती असल्याने पर्यायी घटकांचा वापर करण्यात आला आहे. त्यामुळे प्रदूषण कमी होते, असेही त्यांनी सांगितले.
हेही वाचा-संसदेच्या इमारतीचा पुनर्विकास करण्याकरता गुजरातची कंपनी देणार सल्ला; 229 कोटींचा येणार खर्च