बंगळुरू - कोरोना महामारीत नोकऱ्यांचे प्रमाण आणि संधी कमी झाल्या आहेत. असे असले तरी देशात ऑगस्टअखेर डाटा सायन्समध्ये ९३ हजार ५०० नोकऱ्या उपलब्ध राहिल्या होत्या, ही माहिती शैक्षणिक तंत्रज्ञान कंपनी ग्रेट लर्निंगने दिली आहे.
कोरोना महामारीतही अ‌ॅनालिटिक्स फंक्शनच्या (डाटा सायन्स) नोकऱ्यांमध्ये उत्साह आणि आशावाद कायम दिसून येत आहे. अ‌ॅनालिटिक्स फंक्शनच्या क्षेत्रात जगभरातील नोकऱ्यांमध्ये भारताचा ९.८ टक्के हिस्सा आहे. तर मागील वर्षी जानेवारीत भारताचा अ‌ॅनालिटिक्स फंक्शनमध्ये ७.२ टक्के हिस्सा होता. या क्षेत्रातील नोकऱ्यांचे प्रमाण चालू वर्षात फेब्रुवारीमध्ये ८२ हजार ५०० इतके होते. तर गतवर्षी फेब्रुवारीमध्ये १ लाख ९ हजार डाटा सायन्समध्ये नोकऱ्या होत्या, ही माहिती ग्रेट लर्निंग कंपनीने दिली आहे.
हेही वाचा-एच-१बी व्हिसाच्या नव्या नियमाने अमेरिकेच्या अर्थव्यवस्थेचे होणार नुकसान