मुंबई- कोरोनाचा प्रसार होत असल्याने उद्योग ठप्प झाले आहेत. अशा स्थितीत रत्ने आणि मौल्यवान दागिने प्रोत्साहन परिषदेने (जीजेईपीसी) कर्मचाऱ्यांना दिलासादायक निर्णय घेतला आहे. या परिषदेने कर्मचाऱ्यांना ५० कोटींचा निधी देण्याचे जाहीर केले आहे.
कोरोनामुळे जग अभूतपूर्व अशा अडचणीमधून जात आहे. भारतालाही कोरोना या प्राणघातक विषाणूने विळखा घातला आहे. अशा कठीण काळात कर्मचाऱ्यांची काळजी घेणे अनिवार्य असल्याचे जीजेईपीसीचे चेअरमन प्रमोद अग्रवाल यांनी म्हटले आहे. या क्षेत्रामध्ये सुमारे ५० लाख लोकांना रोजगार दिला जातो. अशा परिस्थितीला तोंड देण्यासाठी कर्मचाऱ्यांच्या कल्याणासाठी ५० कोटींचा निधी देण्याचा निर्णय घेतला आहे.