नवी दिल्ली- फेसबुकने भारतीय वापरकर्त्यांसाठी नवीन फीचर आणले आहे. वापरकर्त्यांना त्यांचे प्रोफाईल लॉक करता येणार आहेत. तसेच वापरकर्त्यांची माहिती आणि फोटो अनोळखी लोकांना मर्यादित स्वरुपात दिसू शकतील.
फेसबुक अधिक सुरक्षित करण्यासाठी हे फीचर देण्यात आले आहे. विशेषत: महिलांना आपली वैयक्तिक माहिती गोपनीयता ठेवण्यासाठी फायदा होईल, असे एका माध्यमाने म्हटले आहे.
हेही वाचा-किरकोळ व्यापार क्षेत्राला दोन महिन्यात ९ लाख कोटींचा फटका
हे फीचर लागू केले तर वापरकर्त्याच्या मित्रयादीत नसलेली व्यक्ती वापरकर्त्याचा फोटो झूम करू शकणार नाही. तसेच फोटो शेअर आणि डाऊनलोड करू शकणार नाही. शिवाय, वापरकर्त्याच्या टाइमलाइनवरील फोटो आणि पोस्ट अनोळखी व्यक्तीला दिसू शकणार नाहीत. सध्या, हे फीचर केवळ अँड्रॉईड डिव्हाईससाठी उपलब्ध आहे.
हेही वाचा-सोन्याची आयात 'फिक्कट'; सलग पाचव्या महिन्यात १०० टक्क्यांची घसरण
