नवी दिल्ली - दिल्ली मेट्रो रेल्वे महामंडळाने (डीएमआरसी) सर्व सहा मेट्रो स्टेशनवर मोफत वायफाय सुविधा सुरू केली आहे. ही सर्व मेट्रो स्टेशन सुविधा एअरपोर्ट एक्सप्रेस लाईनवर आहेत. या मार्गावरून मेट्रोतून जाणाऱ्या प्रवाशांना मोफत वायफायचा वापर करता येणार आहे.
देशात पहिल्यांदाच धावत्या रेल्वेत प्रवाशांना वायफाय देण्यात आल्याचे डीएमआरसीने ट्विट केले आहे. यापूर्वी दिल्ली मेट्रोकडून बहुतांश मेट्रो स्थानकावर मोफत वायफायची सुविधा देण्यात येत आहे. डीएमआरसीचे व्यवस्थापकीय संचालक मंगू सिंह यांनी शिवाजी स्टेडियम मेट्रो स्थानकावर वायफाय सुविधा लाँच केली.