मुंबई - भारतीय वाहन उद्योगाने मागील २० वर्षातील सर्वात खराब कामगिरी चालू आर्थिक वर्षाच्या पहिल्या तिमाहीत बजावली आहे. कारण या आर्थिक वर्षाच्या पहिल्या तिमाहीत वाहनांच्या विक्रीत मोठी घसरण झाली आहे. गेल्या वर्षीच्या पहिल्या तिमाहीच्या तुलनेत यंदा पहिल्या तिमाहीत देशातील प्रवासी वाहनांच्या विक्रीत 57.98 टक्क्यांनी घसरण झाली आहे.
कोरोना महामारीमुळे संपूर्ण देशात टाळेबंदी लागू झाली होती. त्यामुळे वाहनांची कमी मागणी झाल्याने देशातील वाहन उद्योग संकटात सापडला आहे.
कोरोनाचा फटका: भारतीय वाहन उद्योगाची आजपर्यंतची सर्वात खराब कामगिरी
- सोसायटी ऑफ इंडियन ऑटोमोबाईल मॅन्युफॅक्चरसने दिलेल्या माहितीनुसार जून 2019 च्या तिमाहीच्या तुलनेत यंदा पहिल्या तिमाहीत युटिलिटी वाहनांच्या विक्रीत 31. 16 टक्क्यांनी घसरण झाली आहे.
- गतवर्षीच्या पहिल्या तिमाहीच्या तुलनेत यंदा व्हॅनच्या विक्रीत 62.06 टक्क्यांनी घसरण झाली आहे.
- सियामच्या ताज्या आकडेवारीनुसार गतवर्षीच्या एप्रिल ते जूनच्या कालावधीत यंदा प्रवासी वाहनांच्या विक्रीत 49.59 टक्क्यांची घसरण झाली आहे.
- जून 2019 अखेरीस असलेल्या तिमाहीच्या तुलनेत यंदा जूनअखेरच्या तिमाहीत दुचाकी वाहनांच्या विक्रीत 38.56 टक्के घसरण झाली आहे. तर तीन चाकी वाहनांच्या विक्रीत 80.15 टक्के घसरण झाली.
- गतवर्षीच्या पहिल्या तिमाहीच्या तुलनेत यंदा प्रवासी वाहनांच्या निर्यातीत 56.31 टक्क्यांची घसरण झाली आहे. तर तीन चाकी वाहनांच्या निर्यातीत 34.98 टक्क्यांची घसरण झाली आहे.
- दुचाकी वाहनांच्या निर्यातीत 34.25 टक्क्यांची घसरण झाली आहे.