वॉशिंगटन -अमेरीकन सिनेटने मंगळवारी एकमताने जनरल चार्ल्स ब्राउन ज्युनियर यांना अमेरिकन हवाई दलाचे प्रमुख घोषित केले. देशाच्या लष्करी सेवेतील नेतृत्व करणारे ते पहिलेच कृष्णवर्णीय अधिकारी बनले आहेत. उपराष्ट्रपती माइक पेंस यांनी निवड प्रक्रियेत अध्यक्ष पद भूषवत महत्त्पूर्ण पाऊले उचलली. यात 98-0 एवढ्या बहुमताने ब्राऊन यांची निवड करण्यात आली. याला पेन्स यांनी ऐतिहासिक घटना असल्याचे म्हटले आहे.
मिनीयापोलिसमधील पोलीस कोठडीत झालेल्या जॉर्ज फ्लॉइडच्या हत्येनंतर अमेरिकन प्रशासन आणि रिपब्लिकन कॉन्फरन्सनच्या श्वेत सिनेट सदस्यांनी हे मतदान केले. देशात होत असलेली आंदोलने आणि सोबतच कोरोना विषाणू यामुळे देशातील वातावरण ढवळून निघाले आहे. ब्राउन यांनी नुकतेच यूएस पॅसिफिक एअर फोर्सचे कमांडर म्हणून काम पाहत होते. ते लढाऊ विमानाचे पायलट असून आतापर्यंत 2900 तासाहून अधिक फ्लाइंग तास त्यांच्या नावावर आहेत. ज्यात 130 लढाया आहे. त्यांनी शुक्रवारी सोशल मीडियावर एक व्हीडिओ पोस्ट केला. ज्यामध्ये त्यांनी वांशिक भेदभावात आयुष्यभर श्वेत समाजात जगण्याच्या धडपडीचे वर्णन केले आहे.