पंतने मोडला कुमार संगाकाराचा ८ वर्षापूर्वीचा विक्रम

पंतने आयपीएल २०१९ मध्ये १५ झेल आणि ५ फलंदाजांना यष्टीचीत केली आहे.

नवी दिल्ली - दिल्ली कॅपिटल्स संघ रविवारी बंगळुरूच्या संघाचा १६ धावांनी पराभव करत गुणतालिकेत पहिल्या स्थानावर विराजमान झाला आहे. या सामन्यात दिल्लीचा स्टार खेळाडू ऋषभ पंतने २ झेल घेत नवा विक्रम रचला आहे. त्याने यंदाच्या आयपीएलमध्ये २० झेल घेत नवा विक्रम केला आहे. सर्वाधिक झेल घेणाऱ्या यष्टीरक्षकाच्या यादीत तो पहिल्या स्थानावर आहे.

पंतने आयपीएल २०१९ मध्ये १५ झेल आणि ५ फलंदाजांना यष्टीचीत केली आहे. हा विक्रम आधी श्रीलंकेचा महान यष्टीरक्षक कुमार संगाकाराच्या नावावर होता. संगाकाराने २०११ च्या आयपीएलमध्ये डेक्कन चार्जस संघाकडून खेळताना १९ झेल घेतले होते. नुकतेच झालेल्या बांगलादेश प्रीमियर लीगमध्ये यष्टीरक्षक नुरूल हसन याने १९ झेल घेतले होते.

रविवारच्या सामन्यात पंतला फलंदाजीत चमकदार कामगिरी करता आली नाही. तो अवघ्या ७ धावांवर स्वस्तात बाद झाला. चहलच्या गोलंदाजीवर तो पायचीत होऊन माघारी परतला. पंतने हेनरिच आणि गुरकिरत सिंह मान यांचे सुंदर झेल टिपले.

पंतने ऑस्ट्रेलिया दौऱ्यातही सर्वाधिक २० झेल घेणारा पहिला भारतीय यष्टीरक्षक बनला होता. पंतच्या यष्टीरक्षणात बऱ्याच सुधारणा होत आहे. पण तरीही त्याला भारतीय विश्वचषकाच्या संघात निवडण्यात आले नाही.