मुंबई - कंगना रानावत आणि ह्रतिक रोशन यांच्यातील वैर आता विकोपाला पोहोचलंय. तिचा आगामी 'मेंटल है क्या' हा चित्रपट २१ जुलैला रिलीज होणार होता. दरम्यान ह्रतिक रोशनच्या 'सुपर ३०' या चित्रपटाची रिलीज २६ जुलैला ठरली होती. मग आमच्या कंगनाबाई खवळल्या आणि त्यांनी आपला सिनेमा २१ ऐवजी २६ जुलै रोजी रिलीज करण्याचा आग्रह धरला. तिच्या हट्टापायी निर्मात्याने आता ह्रतिकच्या चित्रपटाशी बॉक्स ऑफिसवर टक्कर घ्यायचे ठरवले आहे, अशी चर्चा सिनेजगतात सुरू आहे.
मात्र निर्मात्यांनी या अफवा असल्याचे म्हटले आहे. एकता कपूर यांनी ट्विटरवर याचा खुलसा करण्याचा प्रयत्न केलाय. वितरकांनीच ही तारीख ठरवल्याचे तिने म्हटलंय. व्यावसायिक विचार करुनच हा निर्णय झाल्याचे तिचे म्हणणे आहे.