नाशिक- देशभरात आज हनुमान जयंती मोठ्या उत्साहाने साजरी केली जात आहे. नाशिकच्या अंजनेरी मंदिरात आज पहाटे हनुमानाचा जन्मोत्सव मोठ्या उत्साहात पार पडला. यावेळी दर्शनासाठी भाविकांनी गर्दी केली होती.
नाशिकच्या अंजनेरीत हनुमान जन्मोत्सव उत्साहात संपन्न
हनुमान जयंतीनिमित्त अंजनेरी येथील हनुमानाच्या मंदिराला आकर्षक सजावट करण्यात आली होती. यावेळी हनुमानाच्या मूर्तीला महावस्त्र परिधान करण्यात आले होते. त्र्यंबकेश्वरजवळील अंजनेरी किल्ला हनुमानाचे जन्मस्थान म्हणून संपूर्ण भारतात परिचित आहे. अंजनी पुत्राचा अर्थात हनुमानाचा जन्म याच किल्ल्यावर झाल्याने किल्ल्याला अंजनेरी नाव दिल्याची आख्यायिका आहे.