हैदराबाद - इंडियन प्रीमीयर लीगमध्ये बुधवारी हैदराबाद विरुद्धच्या सामन्यात चेन्नईच्या संघात महेंद्र सिंह धोनी खेळला नाही. त्याच्या जागेवर सुरेश रैना संघाचे नेतृत्व करत होता. सामन्यापूर्वी महेंद्र सिंह धोनी अंबाती रायुडूसोबत मैदानावर फेरफटका मारताना दिसून आला. धोनी सामन्यात खेळणार नसल्याचे समजताच फॅन्समध्ये घोर निराशा पसरली.
या आधी ९ वर्षापूर्वी म्हणजे २०१० च्या आयपीएलमध्ये दुखापतीमुळे बाहेर बसला होता. तेव्हाही संघाचे नेतृत्व सुरेश रैना करत होता. धोनी त्यावेळी ३ सामन्यांसाठी बाहेर बसला होता.