मुंबईत कोरोनाचे 1 हजार 308 नवे रुग्ण, 39 रुग्णांचा मृत्यू

मुंबईतील कोरोनाचे रुग्ण बरे होण्याचा दर 69 टक्क्यांवर पोहोचला आहे. 4 ते 10 जुलैपर्यंत रुग्ण वाढीचा दर 1.39 टक्के इतका आहे. मुंबईमधील रुग्ण दुप्पट होण्याचा कालावधी 50 दिवस इतका आहे. मुंबईत सध्या ज्या विभागात कोरोनाचे रुग्ण आढळून आले आहेत अशा 732 चाळी आणि झोपडपट्टी असलेल्या विभागात कन्टेन्मेंट झोन म्हणून सील करण्यात आले आहेत.

मुंबई - मुंबईत आज 1 हजार 308 नवे कोरोना रुग्ण आढळून आले असून 39 जणांचा मृत्यू झाला आहे. यामुळे मुंबईतील कोरोनाग्रस्तांचा आकडा 91 हजार 457 वर पोहोचला आहे, तर मृतांचा आकडा 5 हजार 241 वर पोहोचला आहे. मुंबईमधून आज 1 हजार 497 रुग्णांना डिस्चार्ज देण्यात आल्याने रुग्णांचा आकडा 63 हजार 431 वर पोहोचला आहे. मुंबईत सध्या 22 हजार 779 सक्रिय रुग्ण असून मुंबईमधील रुग्ण बरे होण्याचा दर 69 टक्क्यांवर पोहोचला असल्याची माहिती पालिकेच्या आरोग्य विभागाने दिली आहे.

जगभरात थैमान घालणाऱ्या कोरोना विषाणूमुळे मुंबईत आज 39 जणांचा मृत्यू झाला आहे. 39 मृत्यूपैकी 32 रुग्णांना दिर्घकालीन आजार होते. मृतांमध्ये 25 पुरुष आणि 14 महिला रुग्ण होत्या. मृतांमध्ये 3 जणांचे वय 40 वर्षाखाली होते, 26 जणांचे वय 60 वर्षावर तर 10 जणांचे वय 40 ते 60 वर्षादरम्यान होते. मुंबईमधून आज 1 हजार 497 रुग्णांना डिस्चार्ज देण्यात आला. यामुळे डिस्चार्ज देण्यात आलेल्या रुग्णांचा आकडा 63 हजार 431 वर पोहोचला आहे. मुंबईत कोरोनाचे 91 हजार 457 रुग्ण आहेत. त्यापैकी 5 हजार 241 रुग्णांचा मृत्यू झाला आहे. यामुळे मुंबईत सध्या कोरोनाचे 22 हजार 779 सक्रिय रुग्ण असल्याची माहिती पालिकेच्या आरोग्य विभागाने दिली आहे.

रुग्ण बरे होण्याचा दर 69 टक्क्यांवर

मुंबईतील कोरोनाचे रुग्ण बरे होण्याचा दर 69 टक्क्यांवर पोहोचला आहे. 4 ते 10 जुलैपर्यंत रुग्ण वाढीचा दर 1.39 टक्के इतका आहे. मुंबईमधील रुग्ण दुप्पट होण्याचा कालावधी 50 दिवस इतका आहे. मुंबईत सध्या ज्या विभागात कोरोनाचे रुग्ण आढळून आले आहेत अशा 732 चाळी आणि झोपडपट्टी असलेल्या विभागात कन्टेन्मेंट झोन म्हणून सील करण्यात आले आहेत. तर कोरोना रुग्ण आढळून आलेल्या 6 हजार 751 इमारतींमधील काही माळे, काही विंग तर काही इमारती पूर्ण सील करण्यात आल्या आहेत. मुंबईमध्ये आतापर्यंत कोरोनाचे निदान करण्यासाठी 3 लाख 85 हजार 453 इतक्या चाचण्या करण्यात आल्या आहेत.