हैदराबादसैराट चित्रपटातली आर्ची बुलेट चालवते म्हणून तिची खूप चर्चा होती. लहान वयात तिने बुलेट कशी चालवली यावरुनही खूप चर्चा झाली. मात्र आंध्रप्रदेशातील ही मुलगी वयाच्या बाराव्या वर्षी मौजमजेसाठी बुलेट बाईक चालवायला शिकली Learned Bike In Twelve Year. आता ती त्या बुलेटवर हिमालयातील सर्वात उंच रस्त्यावर जाऊन पोहोचली आहे. 19 हजार 24 फूट उंचीवरील जगातील सर्वात उंच रस्त्यावरून तिने प्रवास Record For Riding Bike Altitude 19 Thousand Feet केला. एवढ्या उंचीवर बुलेटवरून एकटी जाण्याचा विक्रमही तिच्या नावावर नोंदवला गेला आहे. आठ दिवसांच्या या प्रवासात तिने 2800 किलोमीटरचा प्रवास पूर्ण केला ऑक्सिजन सुध्दा व्यवस्थित मिळत नसलेल्या भागात बुलेटवर प्रवास करून तिने हा इतिहास रचला. कृष्णा जिल्ह्यातील इंदू वल्लभनेनी हिने एकीकडे वैद्यकीय शिक्षण घेत असतानाच दुचाकीस्वार महिला म्हणून विक्रमी कामगिरीही केली आहे.
लहानपणापासूनच वेगळे काहीतरी करण्याची महत्त्वाकांक्षा असलेल्या या तरुणीने त्यानुसारच कर्तबगारी केली आहे. इतर मुलींप्रमाणे सायकल चालवण्याऐवजी तिने 8 व्या वर्गात बुलेट बाइक चालवण्यास सुरुवात केली. ती बुलेटवर शाळेत जायची. तेव्हा सुरू झालेला बुलेटचा प्रवास आजही सुरू आहे
इंदू वल्लभनेनीअसे बुलेटवरून प्रवास करणाऱ्या या तरुणीचे नाव आहे. कृष्णा जिल्ह्यातील गन्नावरम येथील इंदू दंत शिक्षणाच्या तिसऱ्या वर्षात आहे. वडील हरीश कुमार हे कृषी विभागात अधिकारी आहेत आणि त्यांची आई गृहिणी आहे. अभ्यासात सक्रीय असलेल्या इंदूने स्वत: काहीतरी साध्य करून हे यश गाठले आहे.
इंदू वयाच्या १२व्या वर्षीमोठ्या भावाच्या मदतीने बुलेट शिकली. तेव्हापासून तिला जेव्हाही वेळ मिळेल तेव्हा ती २,३०० किलोमीटरच्या लाँग ड्राईव्हला जायची. यावेळी इंदूने रॉयल एनफिल्डने रॉयल एनफिल्ड हिमालयन ओडिसी या नावाने आयोजित केलेल्या कार्यक्रमात सहभागी होण्याचा निर्णय घेतला. या राइडमध्ये रॉयल एनफिल्ड कंपनीने जगातील सर्वात उंच रस्ता, उमलिंग ला पास वे पूर्ण करण्याचा निर्णय घेतला. इंदूच्या पालकांना या निर्णयाबद्दल सांगण्यात आले तेव्हा त्यांनी सुरुवातीला नकार दिला. पण या प्रयत्नांना नेहमी प्रोत्साहन देणारे भाऊ साईकृष्ण यांनी त्यांना पटवून दिल्यावर तिच्या पालकांनी होकार दिला.