हैदराबाद :जगातील वाढता द्वेष आणि परस्पर बंधुत्वाचा ऱ्हास पाहून एका व्यक्तीनं 'हॅलो डे' सुरू केला, जेणेकरून लोकांमध्ये परस्पर प्रेम टिकून राहावं हा त्या मागचा उद्देश होता. 45 वर्षांपूर्वी ब्रायन मॅककॉर्मन, ओरेगॉन स्टेट युनिव्हर्सिटीचे पीएचडी पदवीधर यांनी हा दिवस सुरू केला. जो आता 180 हून अधिक देशांमध्ये साजरा केला जातो. आपापसात सुरू असलेली भांडणं संपवण्यासाठी ब्रायननं हा उपक्रम सुरू केला होता. त्यांचा असा विश्वास होता की जेव्हा लोक एकमेकांना नमस्कार करतात तेव्हा त्यांचं परस्पर वैर संपतं. हळूहळू 21 नोव्हेंबरचा हा दिवस जगासाठी खूप खास बनला. लोक 'हॅलो डे' म्हणून साजरा करू लागले.
सात वेगवेगळ्या भाषांमध्ये 1360 पत्रे : एक वेळ अशी आली जेव्हा इस्रायल आणि सौदी अरेबियामध्ये भयंकर युद्ध सुरू झालं. ज्याला किप्पूर युद्ध असं म्हणतात. १९ दिवस चाललेले हे युद्ध इस्रायलने जिंकले. त्यानंतर दोन्ही देशांमधील तणाव वाढत गेला. हे पाहून ब्रायन तेथे गेला आणि लोकांना हॅलो डे साजरा करण्यासाठी जागरुक केलं जेणेकरून त्यांनी परस्पर द्वेष विसरून प्रेमानं ते स्वीकारावं. शेवटी हे घडलं आणि लोकांमधील तणाव संपला. पुन्हा दोन्ही देश एकत्र राहू लागले. त्यामुळं जगभरातील नेत्यांना हॅलो डे साजरा करण्यासाठी ब्रायननं देशातील सर्व नेत्यांना पत्र लिहून हा दिवस साजरा करण्याची प्रेरणा दिली. ज्यामध्ये त्यांनी सात वेगवेगळ्या भाषांमध्ये 1360 पत्रे लिहून ती साजरी करण्यासाठी सहकार्य मागितलं.