कोईम्बतूर: दुलीप करंडक ( Duleep Trophy ) क्रिकेट स्पर्धेचा अंंतिम सामना रविवारी पश्चिम विभाग विरुद्ध दक्षिण विभागा यांच्यात पार पडला. या सामन्यात अजिंक्य रहाणेच्या नेतृत्वाखाली पश्चिम विभागाने दक्षिण विभागावर मात केली. ज्यामध्ये पश्चिम विभागाने दक्षिण विभागाचा 294 धावांनी पराभव ( West Zone defeated South Zone by 294 runs ) केला. या सामन्यात शम्स मुलाणी, यशस्वी जैस्वाल आणि सरफराज खान यांचे योगदान मोलाचे राहिले. ज्याच्या जोरावर पश्चिम विभागाने अजिंक्य रहाणेच्या ( Ajinkya Rahane ) नेतृत्वाखाली विक्रमी 19व्यांदा दुलीप ट्रॉफीवर कब्जा केला.
रविवारी पहिल्या डावातील पिछाडीवरुन जोरदार पुनरागमन केले. यासह पश्चिम अजिंक्य रहाणेच्या नेतृत्वाखाली विभागाने विक्रमी 19व्यांदा दुलीप ट्रॉफीवर आपले नाव कोरले आहे. 529 धावांच्या विशाल लक्ष्याचा पाठलाग करताना दक्षिण विभागाने सामन्याच्या पाचव्या आणि शेवटच्या दिवशी त्यांचा दुसरा डाव 6 बाद 154 धावांवर सुरुवात केली. त्यानंतर त्यांचा संपूर्ण संघ 234 धावांत गारद झाला. यामध्ये रवी तेजाने 53 धावा केल्या. पण त्याच्या या खेळीमुळे फक्त पराभवाचे अंतर कमी होऊ शकले.